Кышет вӧлъя бурдъёссэ

Удмурт Дунне
By Удмурт Дунне 1 ноября, 2011 13:02

Кышет вӧлъя  бурдъёссэ

Модая лабораториысь нылъёс кашамер кышетэз гажало.

«Удмурт кенеш» ассоциацилэн бурд улаз ужась Удмурт нылкышно кенеш бадӟым уж нуэ клубъёс кылдытъян ласянь. Семья йылолъёсты азинтэ «Табань» клуб, Ижысь нылпи садын ужась воспитательёс понна кылдытэмын «Зарни бугор» клуб, покчи пиналъёсын егит семьяосты огазея Кузебай Герд нимо нылпи садэн ӵош радъям «Шудон корка» клуб, Ижысь песянайёс люкаськыло киужъёсъя «Пукон корка» клубе.

«Табань» клубен пумиськонъёс огвакытэ ёросъёсын ортчылӥзы, берло дыре люкаськонъёс радъямын Эшъяськон юртын. Озьы Удмурт нылкышно кенешлэн ёзъёсыз пумен паськытало, дасо ёрос центръёсын усьтӥськизы ни семьяосын ужась клубъёс.

Удмурт нылкышно кенеш но «Удмурт дунне» газет март толэзе «Герд» номерын ялӥзы «Чибориё кышет» конкурс. Со бордысь потӥз та нимын ик клуб кылдытон сярысь малпан. «Палэзян» фин-угор фестиваль дыръя Ижысь Эшъяськон юртын ортчиз «Чибориё кышет» ужрад. Сое радъяны юрттӥзы «Удмурт кенеш» огазеяськон но Удмурт кун университетысь фин-угор центр.

Кашамер кышетлэсь туала нылкышно модаын кутӥськемзэ калыклы возьматӥзы Удмурт кун университетысь Искусствоосъя но дизайнъя институтысь модая лабораториысь егитъёс. Кивалтӥсьсы Надежда Забражных малпа удмурт шӧмо дӥськутъёс кылдытон бордын но ужаны.

«Чибориё кышет» конкурсмы вуоно арын но азьланьтӥськоз. Таяз учыре кышетлэсь пуштроссэ паськытгес усьтыны чакламын. Йыр кышетлы, ныркышетлы, ӝӧккышетлы, ӵушконлы (мудор кышетлы) сӥзьыса, гожтоно кылбур, кырӟан яке сценарий. Умой луоз,  ужрадъёсысь  туспуктэмъёсты келяса.

Кышетъёслы сӥзьыса, киужъёсын адӟытон радъямын луоз. Ужъёсты келяно «Удмурт дунне» газетэ. Конкурсэ дасям ужъёсын мед луоз удмурт шӧмыз.

Лия Малых.

Туспуктӥз Владимир Беломорских.

Удмурт Дунне
By Удмурт Дунне 1 ноября, 2011 13:02
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<