Куно пумитаны но дышетсконо

Удмурт Дунне
By Удмурт Дунне 21 ноября, 2011 15:17

Кема ик дыр ӧз кыльы ни, 27-тӥез Универсиада ортчытозь. Радъяськоз со 2013-тӥ арын Казань городын дуннеысь пӧртэм дышетсконниос куспын. Та нуналъёсы Татарстанлэн шоркараз паськыт радъясько лэсьтӥськон ужъёс. Город син куспын чеберске.

Универсиадалэн валтӥсь кужымез — волонтёръёс. Эсьмаса, та нуналъёсы ик радъямын ни соосты дасян. Такем бадӟым ужрадлэсь палэнэ уг кыльы Удмурт кун университет но. Мыло-кыдо студентъёс туэ сентябрь толэзе пыриськизы Казаньын ортчем сменае — отчы ваньзэ-ӧвӧлзэ люкаськизы дуннеысь 500 пала волонтёръёс. Ньыль нунал куспын трос выльзэ тодӥмы, мылкыдзэ шарая кунгожсьӧр кылъёсъя факультетысь  Валерия Самохвалова. Тодон-валанме муромытӥ кылысь кылэ берыктон ласянь. Универсиадае вуисьёслы табере капчиен валэктыны быгато спортэн вырон амалъёс сярысь, шуэ нылаш.

Тодон-валанзэс муро­мытӥсь волонтёръёс, валамон, ваньзы ик пыриськыны уз быгатэ универсиадае — отын соос уно сюрсъёсын кулэ уз луэ. Но кылдытэмын луоз Россиысь волонтёръёслэн резервзы. Отысь егитъёс котьку но дась пыриськыны странаямы ортчись ужрадъёсы.

Елена Тугашова.

Удмурт Дунне
By Удмурт Дунне 21 ноября, 2011 15:17