Куноос вамышто цехе

Удмурт Дунне
By Удмурт Дунне 8 ноября, 2011 10:35

Россиысь Правительстволэн Тӧроез В. Путин но Удмурт Республикалэн Президентэз А. Волков, «Ростехнологии», «Сбербанк», «АвтоВАЗ» огазеяськонъёслэн кивалтӥсьёссы С. Чемезов, Г. Греф но И. Комаров кылем арня пумын огкыл юнматӥзы, соя Ижысь автозавод та нуналъёсы быдэсак выжтэмын «АвтоВАЗ» огазеяськонлэн бурд улаз. Малы кулэ вал таӵе вамыш? «АвтоВАЗ» кадь бадӟым концернэн валчеяськон «ИжАвто» предприятилы пайдаен берытскоз. Угось  вуыны кутскозы эшшо но трос заказъёс, кылдозы выль ужан интыос, будоз шаермылэн данэз.

Толон Удмурт шаере вуылӥзы «АвтоВАЗ» огазеяськонлэн президентэз Игорь Комаров, «Ростехнологии» кун корпорацилэн кивалтӥсезлэн воштӥсьёсыз Николай Волобуев но Игорь Завьялов. Соосты Ижын пумитаз Президент Александр Волков. Куноос нырысь ик мылкыд каризы «ИжАвто» предприятиен тодматскыны: чаклазы производствоез, тунсыкъяськизы матысь дырлы чаклам ужъёсын. Бӧрысь дыртӥзы «Ижмаш» но «Ижысь механикая завод» предприятиосы: отын но тодматскизы производствоен. Улон возьматэ: таӵе куноосын пумиськонъёс огазеяськонъёсмылы пайда ваё — угось юнматӥсько азинскыны юрттӥсь огкылъёс.

Берло нуналъёсы быдэс страна тыр вӧлмиз «ИжАвто» заводэн герӟаськем мукетыз ивор: кунгож сьӧрын — Огазеям Араб Эмиратъёсын — кырмемын Ижысь автозаводэз банкротэ юри вуттэм мурт Андрей Фролов. Кӧня ке ар талэсь азьло ӵапак со вал машина поттӥсь компаниослэн огазеям группаысьтызы топ-менеджер. «ИжАвто» завод чотын со 2008-тӥ — 2009-тӥ аръёсы, дуннеын кризис кузёяськыку, кунгож сьӧры поттэм но аслаз кисыяз ватэм 7 миллиард манетэз. Таин валче Ижысь автозавод секыт югдуре шедиз но Москваысь юрттэт куроно луиз.

А. Фроловез кунамы берыктыны но сое кыл кутон улэ кыскыны чакламын.

Елена Никитина.

Удмурт Дунне
By Удмурт Дунне 8 ноября, 2011 10:35
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<