Куазь но бӧрдӥз

Удмурт Дунне
By Удмурт Дунне Ноябрь 3, 2011 08:59

Валлян Ижысь Кузебай Гердлэн памятникез дорын буре ваён ӝыт ортчиз. Ӵапак 1937-тӥ арын 1-тӥ ноябре Соловки шормуӵын ыбемын удмурт калыкез югдытӥсь Кузебай Герд. Со вордскемын 14-тӥ январе. Кызьы шуо удмуртъёс, кулэм муртлэсь, пе, вордскем нуналзэ уг пусъё. Соин ик арлы быдэ ноябрь толэзьлэн нырысетӥ нуналаз та памятник дорын ортчо Герд лыдӟонъёс.

Памятник доры люкаськемъёсты кыдырась зор ӧз кышкаты. Соос Гердлэсь кылбуръёссэ тодазы вайизы. Шараязы на К. Гердлэсь Иосиф Наговицынлы — со вакытэ РСФСР-ысь наркомлы — 1934-тӥ арын пытсэт сьӧрысь ыстэм гожтэтсэ. Отын со верам аслэсьтыз сюлэмшугъяськонъёссэ, медаз ыше, пе, вал гожтэм ужъёсы.

Люкаськемъёс йӧтскыны быгатӥзы Соловки шормуӵысь ваем сюй борды. Со утиське Ижысь Национальной музейын пичигес горшокын. Солэсь посудазэ чебергес карон, выльдон вылысь музейын ужасьёс егитъёс пӧлын аспӧртэмлыко конкурс яло. Ӵектонъёссэс витё 14-тӥ январёзь, кыдёкысь ваем сюез К. Гердлэн вордскем нуналэзлы чебер посудае интыялозы.

Валентина Емельянова.

Удмурт Дунне
By Удмурт Дунне Ноябрь 3, 2011 08:59
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<