Йырез шобыртоз, мугорез бинялтоз

Удмурт Дунне
By Удмурт Дунне 9 ноября, 2011 13:23
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Йырез шобыртоз, мугорез бинялтоз

Бадӟымгес тӧдьы кашамер кышетлэсь огпал пумъёссэ, кеӵевыл карыса, чырты сьӧртӥ герӟано. Кунул уллапалтӥ лэзем мукет пумъёссэ кеӵевыл кароно ини тыбыртӥ, собере азьпала поттоно. Гердэз керттоно кус урдсытӥ. Таиз амал тупалоз векчи куско, ӝужыт нылъёслы.

Пӧртэм выжы калыкъёслэн осконъёссы, сямъёссы герӟаськемын кышетэн. Пичи дыдыос, нылмуртъёс, нылкышноос понна со шундылэсь, тӧлллэсь, кезьытлэсь утиськон но. Кышетэз озьы ик  кертто чебер луон понна. Ку кылдэм нырысетӥ кышет, мар понна со кутӥськем, та пумысен вашкала вапумъёсысь шедьтосъёс но меӵак валэктон уг сёто. Улон азинскемъя йырез шобыртон арбериос узырмо, выльдӥсько. Мода удысын бергасьёс, кильт

ыръяськыны яратӥсь апайёс кышетъёсын мугорзэс но бинялто — кофта я юбка пӧрмыто.

Курень пужыосын туго кышетэз, пельпум вылтӥ лэзьыса, кус котыртӥ еэн бырттоно.

Газет бамъёсамы ивортылӥм ни вал Удмурт нылкышно кенешен ӵош «Герд» номерын ялэм «Чибориё кышет» конкурслы йылпумъянъёс сярысь.  Лыдӟисьёс туж мыло-кыдо гожъязы улоназы кашамер кышетлэн бадӟым инты басьтэмез пумысен. Соос ик бурдъязы та конкурсэз бадӟым ужрадлы пӧрмытыны. Чибориё кышетъёслы сӥзем ужрадэз чебермазы Удмурт кун университетысь Модая лабораториысь нылъёс. Та пумиськонэ соос нимысьтыз возьматон дасяллям.

— Модая лаборатория УдГУ-ысь Искусствоосъя но дизайнъя институтын кылдытэмын 2004-тӥ арлэн пумаз, наукая но техникая «Технопарк» огазеяськон юрттэмен, — вера лабораториен кивалтӥсь Надежда Завражных, дӥськут вурон дизайнъя кафедраысь доцент. — Тодон-валан басьтэменызы ӵош студентъёс дӥськут вурыны дышетско. Университетэз соос йылпумъяло стилист луыса. Модая лаборатория соослы юрттэ паськыт быгатонлыкъёс басьтыны. Студентъёс дӥськут кылдытон бордын гинэ уг ужало, адямиез йырысеныз пыдозяз дӥсяны дышетско, татчы ик пыре йырсиез чебер утялтон но ымнырез буян.

Модая лабораториысь студентъёс котькуд ар пырисько чеберлыкъя но егитъёслэн модазыя элькун фестивальёсы, чебер нылъёслэн ӵошатсконъёсазы. Нош кашамер кышетлы сӥзем таӵе возьматон нылъёс понна ӵыжак выль луэм. Эшъяськон юртэ люкаськем калык азьын кышетъёсын герӟаськем туала модаез возьматон борды соос туж шумпотыса басьтӥськизы.

Чебер адӟиськизы кашамер пужыосын вурем жилетъёс но. Таяз учыре ини кышетэз вандылоно луоз. Жаль потэ? Оло, кеен изъянтэм кышетты кытын ке ватӥськыса кылле? Тазэ ини жалятэк пӧрмытыны луоз чебер дӥськутлы. Жилетлэсь азьзэ быдэсак пужыё кароды яке кыӵе ке люкетсэ гинэ сяськаяськытоды, тазэ ини асьтэос тододы. Модая лабораториысь нылъёс сямен ик, жилетлэсь пушсэ но чебертыны быгатоды мукет кашамер пужыосын. Одӥг пол шоголляськоды горд но сьӧд пужыосын, мукет дыръя тӧдьмытсэ кыре поттоды.

— Модая адӟытонмес дасян азьын тодматским кышетъёслэн историенызы, кызьы кертто вылэм соосты шаерамы улӥсь пӧртэм калыкъёс: удмуртъёс, ӟучъёс, бигеръёс, башкиръёс, — шуэ Надежда Дмитриевна. — Лабораториысьтымы дизайнер Вера Вакуленко юрттэмъя  вакчи дыр куспын нылъёслэн ки улазы кашамер кышетъёс улӟизы. Та ужрад бере мылкыдмы бурдъяськиз удмурт дӥськутэн  матэгес тодматскыны.

Модая лабораторимы туннэ калыклы ӵектыны быгатэ пӧртэм ёросъёсын улӥсь удмуртъёслэсь дӥськутъёссэс вашкала амалъя вурыны. Кин ке, шуом, кулэяське сцена вылэ потон костюмлы, кинлы ке удмурт шӧмо дӥськут нуналмысь ветлыны кулэ. Университетэн люкиськонлы, озьы ик пӧртэм сӥё-дано ужрадъёслы но дӥськутъёсмы вань. Бакалавръёслы, магистръёслы, аспирантъёслы, профессоръёслы, дышетӥсьёслы мантиос, йыре пононъёс вуриськом. Туала модалы тупась огшоры дӥськут но пӧрмытӥськом.

Нош таяз возьматонын Модая лаборатория кашамер кышетъёсты йырез шобыртонысь мугорез бинялтонлы пӧрмытӥз. Нылъёслэн йыразы керттэм кышетъёссы, кӧня ке минут ортчыса, аспӧртэмлыко кофтаослы пӧрмизы. Макем кильтро адӟиськизы сьӧд водолазкаос котыре бинялскем чибориё пужыос. Выль дӥськут кылдытон понна одӥгез гинэ но кышет тырмымон вылэм.

Лия Малых.

Туспуктӥз Владимир Беломорских. 

Удмурт Дунне
By Удмурт Дунне 9 ноября, 2011 13:23
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<