Ижын потэ нылпи будэтэм!

Удмурт Дунне
By Удмурт Дунне 8 ноября, 2011 11:05

Россиысь уно городъёс пӧлын Ижевск одӥгез адӟем карымонэз луэ: татын ӝужало выль юртъёс, воляло сюресъёс…

Великий Новгородын алигес ортчиз Россилэн Президентэз бордын ужась кенешлэн президиумезлэн заседаниез. Премьер-министр Владимир Путин отын йылпумъянъёс лэсьтӥз «2011-тӥ арын Россиысь тужгес азинскисез поселение» конкурслы. Дипломъёсын пусъемын Ижевск, Великий Новгород, Нижнекамск, Новосибирск, Уфа, Саранск, Хабаровск. Вормисьёсты бырйыку, нимысьтыз лыдэ басьтӥськиз, городын макем бадӟым саклык висъяське калыклэсь улон-вылонзэ ӟечомытонлы. Адямиослы отын мед кельшоз улыны, ужаны, семья кылдытыны, нылпи будэтыны. Кызьы вераз Иж городлэн йырыз Александр Ушаков, конкурсын вормем городъёс пӧлын Ижевск туж йӧно адӟиськиз.

Кенешонлэн кыкетӥ люкетаз Владимир Путин нимысьтыз саклык висъяз муниципалитетъёслэн калыклы матын луэмзылы. Адямиос интыысь кивалтон ёзъёсы ӵемысь вазисько благоустройствоен, жилищно-коммунальной хозяйствоен герӟаськем юанъёсын, татчы соос вуо, тазалыкез утёнын, дышетонын ужпумъёс сюлмаськытыку но. Премьер-министр куриз: муниципалитетъёс медаз палэнтӥське соосты кылзон-валанлэсь. Нош Москва сюлмаськоз интыысь кивалтон ёзъёслы ватсаса коньдон висъян сярысь. В. Путин оскытӥз на: 2012-тӥ арын шунытлы, тыллы но мукет коммунальной услугаослы тыриськонъёсты федерация юн чакласа возёз, соосты мултэс быдэтыны уз лэзьы.

Элина Кумачёва.

Удмурт Дунне
By Удмурт Дунне 8 ноября, 2011 11:05
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<