Егитомим

Удмурт Дунне
By Удмурт Дунне 1 ноября, 2011 08:11

Кылем арня пумын Якшур-Бӧдья ёросысь удмуртъёс огазе люкаськылӥзы. Ёрос культурая юртэ лыктӥсьёсты кырӟаса-вераса пумитазы «Ялыке» ансамбле ветлӥсьёс. Ужрадэз усьтӥз этнофутуризмъя «Тӧдьы юсь» огазеяськон. Та кырӟасьёсты шаермылэн палэназ но ӟеч тодо ини, нош тросэзлэн гуртоослэн кылэм-адӟемзы но вылымтэ. Чебер дӥсьсылы, жингрес куаразылы ваньзы синмаськизы.

«Удмурт кенеш» огазеяськонлэн ёросысь ёзэзлэн ужамез сярысь тупен-тупен мадиз Людмила Ершова. Со сяна, асьсэ сюлмаськонъёссэс шараязы Мукшиысь Римма Щенина, Сюровайысь Любовь Байкузина но Тылоысь Ольга Лукина. Жаляса верано, ёросысь пиналъёс ӟучомо, берло дыре ичиёмиз анай кылмес дышетӥсьёслэн лыдзы. Та вакытэ Кекоран, Ӵошкыт, Мукши школаосын но Якшур-Бӧдья гимназиын гинэ удмурт кылъя урокъёс нуисько на.

Бадӟым кенешын вераськизы матысь дыре ортчытоно ужрадъёссы сярысь но. Якшур-Бӧдья клубын ужасьёс удмурт ӝытъёс радъяны малпало. Мылкыд карисьёс, пе, удмурт тапыртонъёсты дышетозы. Нош декабрь кутсконын Сюровай клубын удмурт культурая центр усьтӥськыны кулэ. «Удмурт кенеш» огазеяськонлэн ёросысь правлениез но выльдӥськиз. Табере удмуртлыкез азинтонэ тросгес кыстӥськозы егитъёс, шуиз ёрос правление пырись Вера Вахрушева.

Валентина Емельянова.

Удмурт Дунне
By Удмурт Дунне 1 ноября, 2011 08:11
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<