Выль больница луоз!

Удмурт Дунне
By Удмурт Дунне Ноябрь 22, 2011 14:28

Ижысь Ленин ёросэ вуоно арын выль поликлиника пуктыны кутскозы. Таӵе ужпум сэрттэмын-пертчемын та нуналъёсы Президент Александр Волков дорын ортчем кенешонын. Отчы пыриськизы лэсьтӥськонъя, архитектурая но улон инты политикая министр Сергей Шикалов, Иж город администрацилэн йырыз Денис Агашин, «Удмуртгражданпроект» институтысь адямиос но мукет специалистъёс.

Туннэ 40 сюрс пала адями тазалыксэ эскере но йӧнатӥське Машиностроительёслэн каргуртысьтызы поликлиникаын. Солэн юртэз ӝыны даур талэсь азьло пуктэмын ни, туж ӟоскыт.

— Тыршомы, 2013-тӥ арын Ленин ёросын улӥсьёс ӵыжак-выль интыын, выль эмъяськон тӥрлыкен йӧнатӥськыны мед быгатозы ни, — шуиз Александр Волков. — Собере басьтӥськом Ижысь ик Октябрь ёросэ поликлиника пуктон борды. Ваньмыз та лэсьтӥськоз Удмуртиез азинтон программа чотын.

Иж город администрацилэн йырызлэн воштӥсез Ирина Теслева верамъя, та ёросын улӥсьёслэсь лыдзэс санэ басьтоно ке, поликлиника ог 7 сюрс квадрат метръёс луыны кулэ. Но Президент куриз: азьлане учконо, таин ӵош ик лыдэ басьтоно республикамылэсь луонлыкъёссэ, коньдонэз тус-тас кароно ӧвӧл. 300 миллион манет выль юртэз пуктыны мед тырмоз, поликлиника кӧнялы ке пичигес ке но пӧрмоз — номыр кышкытэз ӧвӧл.

Огкылэ вуэмын: та ужпумез пыр-почгес сэрттон-пертчон вылысь ноябрь пумын Президент дорын ик эшшо одӥг кенешон ортчытоно на.

Элина Васильева.

Удмурт Дунне
By Удмурт Дунне Ноябрь 22, 2011 14:28
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<