Азьлань гинэ!

Удмурт Дунне
By Удмурт Дунне 8 ноября, 2011 10:32

Удмуртилэн Президентэз Александр Волков та нуналъёсы вуылӥз шаерысьтымы футболистъёс доры. Али «Зенит-Ижевск» команда кыкетӥ дивизионын «Урал-Поволжье» зонаын ӵошатске. Берло шудонъёсыныз со учкисьёслы трос шумпотон кузьмаз.

— Выль тренер Александр Ивченко вуэмен, команда чылкак воштӥськиз, — шуэ клублэн кивалтӥсез Александр Сунцов. — Со азе бадӟым ужпум пуктэмын: командаысь шудӥсьёсты утёно-возёно но егит футболистъёсты будэтоно. Палэнысь шудӥсьёсты утчатозь, асьме пиослы бадӟымгес саклык висъяно. Дыр вуэмын азьлань вамыштыны.

Та вие команда шудэ искусственной бусыын, нош пичиослы туп ӵыжаны кулэ музъем вылын но. Йӧнала бусыос ӧвӧлэн Ижысь футболистъёс мугорзэс кыдатоно луо шаермылэн палэназ.

Асьме футболистъёс кыкетӥ дивизионын шудӥсьёс пӧлын вить кужмоосыз пӧлы шедьыса, 2012-тӥ-2013-тӥ аръёсы нырысетӥ дивизионысь командаосын вожвылъяськыны кулэ. Командалэн валтӥсь тренерез шуиз: куронэз вормыны луоно.

Футболистъёслэн малпанъёссылы дурбасьтӥз Александр Волков. Вормонъёсты вань бере, клублы вуоно арысен 2 поллы тросгес коньдон висъямын луоз, шуиз Президент. Озьы бере, азьлань, «Зенит-Ижевск»!

Валентина Емельянова.

Удмурт Дунне
By Удмурт Дунне 8 ноября, 2011 10:32
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<