Адӟозы-а ож нылпиосты?

Удмурт Дунне
By Удмурт Дунне 15 ноября, 2011 08:41

Журналистъёсын алигес пумиськылӥз Иж город Думалэн депутатэз, «Гарантия защиты» огазеяськонлэн кивалтӥсез Наталья Кузнецова. Со мылкыдзэ шараяз Кун Думае матэктӥсь быръёнъёс пумысен, ивортӥз та вакытэ быдэсъяно ужъёсыз сярысь.

Наталья Кузнецовалэсь нимзэ кема дыр ӵоже герӟаллямы «Зэмлыко Россия» партиен. Удмурт Республикаысь Кун Кенешлэн депутатэз луыса тыршыкуз, со пыриськиз парламентысь «Зэмлыко Россия» фракцилэн ужаз. Иж город Думалэн депутатэз луэм бӧрсьы но солы оскемын вал отысь та фракциен кивалтыны. Но кызьы ивортӥз Наталья Кузнецова, берло вакытэ «Зэмлыко Россия» партиен кусыпъёсыз тэшказы, соин со выжиз «Огъя Россие».

— Отын кема уг тыршиськы ай ке но, трос ужпумъёсты сэрттыны-пертчыны быгатӥ ни, — вераз Наталья Фёдоровна. — «Зэмлыко Россиын» аръёсын тыршытозям, тамында ужез быдэстыны ӧй пӧрмыты вал. Кылсярысь, али трос кужымме сётӥсько Быдӟым ож вакытэ ужам нылпиослэсь статуссэс юнматонлы. Соос но война вакытэ арлыдоосын ӵош бусыосын тыршизы, пыӵал тӥрлык поттӥзы. Нош законъя соос фронт мышкын тыршемъёслэн радазы уг пыро, талы луыса пенсизы но кулэс.

Та уж усиз республикаысьтымы Кун Кенешысь, Иж город Думаысь «Огъя Россия» фракциысь депутатъёслэн пельпумъёсазы. Соослэн кичӧлтэмзыя азьланьтэмын луозы та ужпумез Кун Думаын эскеронъёс.

Елена Тугашова.

Удмурт Дунне
By Удмурт Дунне 15 ноября, 2011 08:41
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<