«Удмуртия» азьпалан

Удмурт Дунне
By Удмурт Дунне 7 ноября, 2011 07:47

Туннэ выльдӥськиз Вавож ёрослэн но Данъян пулэз. Арлы быдэ татчы интыяло ёросысь адӟем карымон 20 муртлэсь но 2 ужась коллективлэсь туспуктэмъёссэс.

— Туэ уката данъяломы гуртын улон-вылонэз азинтӥсь адямиосты. 20 мурт пӧлысь дасэз — музъем но пудо вордон бордын ужасьёс, — вераз ёрос администрациысь ужез радъянъя отделлэн кивалтӥсез Татьяна Мухачёва.

Тани «Удмуртия» хозяйствоысь Алевтина Повышева 10 ар кунян сюдэ ни. Пудоезлэн лыдыз уг кулэсмы, пичи кунянъёсты Алевтина Алексеевна ваньзэсты утьыны-вордыны быгатэ.

Ужась коллективъёс пӧлын данъямын Партчи гуртысь нылпи сад но «Удмуртия» СПК-ысь йӧл ферма. Нош та предприятиысь ик тракторист Вадим Зарецких 4-тӥ ноябре мыноз Иже. Татын со пыриськоз бадӟым приёме — Вадим Васильевичез сӥё-дано карозы Президентлэн резиденцияз, уго Зарецкихлэн тусбуез туэ шедиз республикалэн Данъян пул вылаз.

 Елена Скворцова.

Удмурт Дунне
By Удмурт Дунне 7 ноября, 2011 07:47