ӵуказе нуналлы оскыса

Удмурт Дунне
By Удмурт Дунне Октябрь 5, 2011 08:40

30-тӥ сентябре Ижысь Дун-чылкыт Михаиллэн собораз «Удмурт кенеш» Удмурт нылкышно кенеш огазеяськонъёс, черк, Удмурт кун университетысь фин-угор центр ортчытӥзы дун-чылкыт Надеждалы, Вералы но Любовьлы, озьы ик соослэн анайзылы Софиялы сӥзем ужрад. Нырысьсэ таӵе пумиськон ортчиз вал кылем арын. Удмуртъёс отчы шумпотыса люкаськизы. Та нимъёсты нуллӥсь нылкышноос котькудзы данъяськыса веразы асьсэ сярысь.

Таяз радэ но празднике уно калык люкаськылӥз. Нылмуртъёс пӧлын воргоронъёс но адӟиськизы. Озьы ик ужрадэ лыктӥллям Удмурт кун университетысь студентъёс но, гуртын улӥсьёс но.

Нырысь ик вӧсяськисьёс, дун-чылкытъёслы сӥзьыса, сюсьтылъёс ӝуатӥзы. Собере акафист лыдӟизы. Люкаськем калыкез ӟечкылаз но Вера, Надежда, Любовь но София нимъёсын герӟаськем праздник сярысь вакчияк мадиз отец Павел:

— Асьмеос ваньмы Инмарлэн нылпиосыз луиськомы. Осконтэк уд мыны Инмар доры. Ӵуказе нуналлы оскиськытэк, улыны уд быгаты. Осконлэн но Оскиськонлэн шор сюлэмзы луэ Яратон. Яратон ваньзэ ворме.  Удмуртъёс черке тазьы люкаськыны быгато шуыса, сюлэм шумпотэ. Озьыен, асьмелэн вань ӵуказе нуналлы осконмы, сюлэмамы — Инмарез яратонмы.

Надежда, Вера, Любовь но София нимъёслэсь пуштроссэс пыр-поч сэрттӥз-пертчиз Удмурт кун университетысь филология наукаосъя кандидат Галина Шушакова. Люкаськемъёсты черклы сӥзем суредъёсыныз шумпоттӥз мудор суредась, Ижысь усточиослэн школаысьтызы дышетӥсь Василий Морозов.

Любовь Тихонова.

Удмурт Дунне
By Удмурт Дунне Октябрь 5, 2011 08:40
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<