Эшъяськытӥз фин кадриль

Удмурт Дунне
By Удмурт Дунне 25 октября, 2011 08:57

«Палэзян» фестиваль дыръя куноослы тэк пукыны маза ӧз сётэ. Арня пумын соосты мыло-кыдо пумитазы Ижысь нылпи творчествоя юртэ ветлӥсьёс.

Бадӟым ужрад палэзьпу бордысен кутскиз. Пичи емышъёс борды ватскемын, шуо, яратонлэн кужымез. Со ик утьыны быгатэ урод кужымъёслэсь но. Ужрадэ люкаськемъёс палэзь котыртӥ бергаса, кужым басьтӥзы но писпу борды туг керттӥзы.

Отӥяз ужрад залын азьланьтӥськиз. Кырӟаны-вераны быгатэмзэс возьматӥзы Ижысь нылпи коллективъёс. Финляндиысь куноос но буш киын лыктӥллямтэ. «KEIKU» но «RUMДKKД» группаос люкаськемъёслы возьматӥзы фин кадриль. «Палэзян» ужрад эшъяськон хороводэн йылпумъяськиз. Ужрадэ лыктэмъёс, капчи мылкыд сяна, киуж лэсьтыны быгатӥзы. Ижысь нылпи творчествоосъя юртъёсын ужасьёс мастер-классъёс возьматӥзы, чыртывесьёс, удмурт мунёос, бисерлэсь я бумагалэсь пӧртэм арбериос лэсьтыны дышетӥзы.

Валентина Кутузова. 

Удмурт Дунне
By Удмурт Дунне 25 октября, 2011 08:57
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<