Чибориё пумиськон

Удмурт Дунне
By Удмурт Дунне 14 октября, 2011 09:44

Фин-угор калыкъёслэн калыккуспо нуналзылы сӥзьыса, 17-тӥ-22-тӥ октябре шаерамы ортче этнокультурая «Палэзян» фестиваль. Ужрадлэн одӥгез люкетэз сӥземын Удмурт нылкышно кенешлэн «Табань» клубезлы. Отчы пыриськозы Финляндиысь вуэм куноос, Шаркан ёросысь «Жильыртӥсь ошмес» ансамбль.

Соин ӵош ик ортчоз «Чибориё кышет» ужрад. Отчы пыриськыны быгатозы вань мылкыд карисьёс. Радъямын луоз вашкала, тужгес чебер но паймытӥсь кышетъёсъя конкурс-адӟытон. Соосты вайыны луоз сьӧре яке келяно «Удмурт кенеш» огазеяськонэ. Вакчияк гожтоно кышетлэсь историзэ, кузёезлэсь нимзэ но кытысь луэмзэ.

Татын ик тодматскыны луоз вашкала удмурт кышетлэн историеныз но черкен герӟаськем пуштросэныз. Кышетлэн туала нылкышно модаын кутӥськемез но тросэзлы тунсыко, оло? Озьы ик дышетскыны луоз кышетэз кильтро керттон амалъёслы.

Ужрадэ ӧтемын «Герд» газетын радъям «Чибориё кышет» конкурсэ пыриськемъёс но, вормисьёс пусъемын луозы кузьымъёсын.  Ужрад ортчоз Эшъяськон юртын 18-тӥ октябре 18 часын.

Лия Малых.

Удмурт Дунне
By Удмурт Дунне 14 октября, 2011 09:44
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<