Уськытэм бурдо

Удмурт Дунне
By Удмурт Дунне 26 октября, 2011 12:40

Уськытэм бурдо

Трос сюлэме пырись фильмъёсын валтӥсь рольёсты шудӥз Россиысь калык артист Александр Михайлов: «Любовь и голуби», «Мужики», «Очарованный странник», «Змеелов» но мукет. Таӵе зол актёр Удмурт шаере вуылӥз, Ижысь калыкез валлян со филармониын паймытӥз кырӟаны, аспӧртэм вераськыны быгатэменыз.

— Куинь аккордэз сяна уг тодӥськы, — вераз со журналистъёслы. — Кылбураны но, крезьгур гожтыны но ачим уг быгатӥськы. Попугай музэн, муртъёслэсь пӧрамъёссэс быдэстӥсько. Озьы 7 ар ӵоже ни дуннеетӥ поръясько. ӵапак сомында дыр талэсь азьло театрысь кошки. Жади кин ке вылэ ужаны, косэмъёссэс быдэсъяны, пыкылэмъёссэс кылзыны. Эркын луэме потӥз. Дас куинь ар ӵоже ни Ирина Чиркова актрисаен ӵош «Старые девы» спектакльын шудӥсько. Кин тодэ, оло, таизлэсь но куштӥськоно вал ни. Куд-ог мыдланес режиссёръёслэсь ужамзэс адӟыса, пушкын бугырске ӧскем потон мылкыд. Амалтэк малпаны кутскиськод: нош шонер-а мон лэсьтӥ, артистлэсь улонзэ бырйыса? Бератаз буйгасько но выльысь ужаны кутскисько. Кужым сёто студентъёсы (Александр Михайлов дышетэ ВГИК-ын —         Е. Ф.). Соослы коньдонэн кӧня ке юрттоно, шуисько аслым. Стипендия вылын гинэ векаса, репетициос дыръя йырсазьзэс ыштылон учыръёс но луыло уго. Соин ик уждунме соосын люкисько.

— Тужгес секыт рольды?

— Иван Грозный. Сое сцена вылын шудӥсь актёръёс пӧлысь 6-ез кулӥз. Мон но черлалляй. Но улэп кыли. Али валасько ни малы: ӧй серекъя, ӧй пыкылы ноку сое. Туж уг яратӥськы Павел Лунгин режиссёрлэсь Иван Грозный сярысь «Царь» фильмзэ — отын пичи но зэмлыкез ӧвӧл, соин соглаш кариськеме уг луы.

Мыным али ӵемысь созэ я тазэ ролез дэмлало. Но сюлэмам уг лякисько. Туала киноос жугиськонлы, вир кисьтонлы сӥземын. Кызьы отын шудэмед потоз? Улонын сотэк но пожез трос. Оло, соин но асме ӵемысь шӧдӥсько уськытэм бурдоен. Ма, туж вӧсь луисько, таӵе лыдпусъёсты малпаса: Россиын 32 сюрс гурт быремын, асьме флотмы, Турцилэн сярысь, 16 поллы лябӟемын. Та сярысь малпанъёсме шара верамелэсь кышкаса ик, монэ телевидение но уггес лэзьяло.

— Кызьы веськатӥськоды жадемдэс?

— Сад-бакчаям дыртӥсько. Куке-соку басьтыны быгатӥ вал 12 сотык музъем. Эшшо 10-сэ «лушкай». Кенерай ваньзэ. Отын гольык пыд но бызьылӥсько, нокин азьын чеберъяськонэз но ӧвӧл. Сюлэм ик шутэтске. Та но уг юртты ке, Уйпал полюсэ шонтӥсько. Али Лымшор полюсэ дасяськисько. Быдэс арлы ӟигар пыре, ява.

Елена Фёдорова.

Удмурт Дунне
By Удмурт Дунне 26 октября, 2011 12:40
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<