Сисьмемзэ сэрттӥм, выльзэ ӝутӥм

Удмурт Дунне
By Удмурт Дунне 26 октября, 2011 12:23

Сисьмемзэ сэрттӥм, выльзэ ӝутӥм

Алнашысь нылпи садын.

Берло аръёс ӵоже Удмуртиын калыклэн лыдыз йылэ но йылэ. Соин валче тросгес луо нылпи садъёс но. 2006-тӥ арын республикаямы ужаз 76 сюрс 13 сад. 2010-тӥ арын  юртъёслэн лыдзы 82 сюрс 969 луиз. Нылпи садэ черодэ султэм пиналъёс пӧлысь 77,1 процентэзлы инты шедиз ини. Приволжск федерал округез учконо ке, Удмурт шаер та ласянь котькинлэсь азьпалан, мукет азьын черодъёссы эшшо но кузезь.

Алнаш черкогуртысь «Берёзка» нылпи садлэн кивалтӥсез Валентина Орешникова:

— Куинь ар талэсь азьло бӧрдон калэ вуимы вал. Юртмы коръёслэсь ӝутэмын. Котыр ласянь сисьмемын. Тани-тани куашкалоз. Нылпиосты отчы нуллыны кышкыт луиз. Югдурысь потыны юрттӥз Президент Александр Волков, выль нылпи сад ӝутонлы уксё висъяз. Табере сое вуженыз матын но уд ӵошаты ни. Анай-атайёс, нылпиос макем шумпотӥзы — усьтон дыръя эктыны ик дасесь вал. Туннэ татын ужа 10 группа. Дорамы 250-лэсь трос пинал ветлэ.

Елена Фёдорова.

Туспуктӥз Владимир Беломорских. 

Удмурт Дунне
By Удмурт Дунне 26 октября, 2011 12:23