Светлана Смагина ӧте

Удмурт Дунне
By Удмурт Дунне 5 октября, 2011 08:29
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Калык кырӟанъя но эктонъя «Айкай» театр 27-тӥ октябре Ижысь «Аксион» культура юртын шулдыр концерт возьматоз.

«Айкай» театрлэн кивалтӥсез, «Удмурт кенеш» огазеяськонлэн исполкомезлэн ёзчиез Пётр Данилов верамъя, ӵапак та концертэн соос усьтозы 22-тӥ сезонзэс. Со сӥземын луоз Удмуртиысь калык артисткалэн Светлана Смагиналэн творчествоезлы.

— Концертэ, котьку сямен ик, пыриськоз быдэс коллективмы. Но валтӥсь люкетаз кырӟалоз-эктоз Светлана Смагина. Котькуд ар ми ансамбльысьтымы кизилиосмылэн творчествоенызы учкисьёсмес матысьгес тодматон вылысь таӵе концертъёс дасяськом. Кылсярысь, вал ни Геннадий Кузнецовлэн, Михаил Ворончихинлэн творческой ӝытъёссы. Таӵе ӟеч сяммы калыклы кельше, — шуэ Пётр Данилов.

Артистъёс вуо на Ижын но шаерысьтымы пӧртэм ёросъёсын концертъёс сётыны. Али соос учкисьёссэс нуналлы быдэ шумпотто. Кемалась ик ӧвӧл вуылӥзы Сьӧлта ёросэ, та нуналъёсы шулдыртозы Ижын улӥсьёсты. Арня пумын вуылозы Пичи Пурга, Дэри ёросъёсысь учкисьёссы доры. Азьпалан Татарстанысь Огырчиын, шаерысьтымы Яр ёросын но Ижын ортчоно концертъёссы.

— Та вакытэ ми сӥлы кариськомы арлыдоосты, собере капчи мылкыд кузьмаломы гурт удысын тыршисьёслы. Одӥг праздниклэсь но палэнэ ум кылиське, — мылкыдзэ усьтэ Пётр Данилов.

Галина Семёнова.

Удмурт Дунне
By Удмурт Дунне 5 октября, 2011 08:29
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<