Одӥг ӵектон но палэнэ уз кыльы

Удмурт Дунне
By Удмурт Дунне 21 октября, 2011 07:38

Таяз арняе Президент Александр Волков кенешон ортчытӥз интыысь кивалтон удысын ужасьёсын, гурт поселениослэн йыръёсынызы.

Вераськон мынӥз пӧртэм ужпумъёсъя. Дась-а ЖКХ удыс толлы, кызьы районъёсын ужатоно «Чылкыт ву» программаез, тырмо-а дышетон, тазалыкез эмъян удысъёсын но гурт хозяйствоын егит специалистъёс.

Пумиськонлэн бадӟым люкетэз сӥземын вал «Азьлань, Удмуртия!» программалы. Гурт администрациослэн йыръёссы али бичало калыклэсь ӵектонъёссэ, соин куд-огез сярысь Президентлы но ивортыны быгатӥзы ни.

Озьы ке но малпанъёсты вераны бер ӧвӧл на. Ӵектонъёсты гожъямзы бере интыосысь кивалтӥсьёс соосты эшшо сӥсъялозы-чаклалозы на.

— Шаерамы улӥсьёс мылкыдъёссэс шара вераны быгато «Азьлань, Удмуртия!» программае. Табере кылдэ мукетыз ужпум — огзэ но ӵектонэз палэнтоно ӧвӧл, тодоно-юано, малы калык малпаське та сярысь, соку ик утчано амал та ужез быдэстон понна, — вераз Александр Волков.

Сергей Захаров.

Удмурт Дунне
By Удмурт Дунне 21 октября, 2011 07:38