Одӥг семьяын — кык вормон

Удмурт Дунне
By Удмурт Дунне 7 октября, 2011 09:49

Одӥг семьяын —  кык вормон

Кононов дышетћсьёс.

Республикаысьтымы устооссэ 112 дышетӥсьёсты сӥлы кариз Президент Александр Волков. Ужрадэ пыриськизы валтӥсь федеральной инспектор Рустам Идрисов, Кун Кенешлэн Тӧроез Александр Соловьёв, Правительстволэн Тӧроезлэн воштӥсез Людмила Чунаева, дышетонъя но наукая министр Андрей Кузнецов.

2006-тӥ арысен ни «Дышетон» нацпроект чотын Россиысь тужгес адӟем карымон дышетӥсьёс басьто коньдон премиос. Нырысь аръёсаз асьме шаерысьтымы 118 муртэ Москва пусйылӥз быдэн 100 сюрс манетэн. Кык ар талэсь азьло та проектэ воштонъёс пыртэмын. Данъяно дышетӥсьёслэсь лыдзэс Москва кулэстӥз, асьме республикалы 12 квота кельтӥз но та адямиослы быдэн 200 сюрс манет сётоно кариськиз. Нош Александр Волков решение кутӥз: эшшо 100 дышетӥсез быдэн 50 сюрс манетэн пусъёно Удмуртия чотын.

— Конкурсэ пыриськись дышетӥсьёслэн ужъёссы арысь аре золэсьгес луо, — пусйиз Андрей Кузнецов. — Куд-огъёсыз кыкетӥ ползэ ни та ӵошатсконэ пырисько но вормисьёс радэ сюро.

Можга ёросысь Бадӟым Кибья школаын куамын арлэсь кема ужа ни Валентина Васильевна Кононова. Покчи классъёсты визьнодам сяна, со кивалтэ фольклоръя «Уӵыпи» нылпи коллективен. Крезьгур пуктыны солы юрттэ Алексей Вячеславович Кононов, Валентина Васильевналэн пиез.

— Нуисько крезьгуръя урокъёсты. Кытӥ-отӥ ачим ик кырӟанъёс но гожъясько, — вера Алексей Вячеславович. — Нырысь йылпумъяй Ижысь культурая колледжез, собере — Глазовысь пединститутэз.

Валентина Васильевна но Алексей Вячеславович ӵошенназы ужало пӧртэм проектъёс гожъян бордын. «Уӵыпи» ансамбленызы одӥг пол гинэ ӧз вуылэ ни Венгрие, Финляндие.

— Пиелэн аслаз семьяез ӧвӧл на, соин ик вань кужымзэ, дырзэ сӥзе нылпиослы, школалы, — пусъе В. Кононова.

«Устоез дышетӥсь» конкурсын одӥг семьяысь кык дышетӥсь кужымзэ эскероно кариз. Вормисьёс пӧлын — кыксы но!

Пусйымон: устоосыз дышетӥсьёс пӧлы шедизы «Удмурт дуннелэн» но матысь эшъёсыз, авторъёсыз. Соос пӧлын  — Дэри ёросысь Юськи школаысь Пётр Давыдов, Пичи Пурга гимназиысь Александра Герасимова, Якшур-Бӧдья ёросысь Мукши школаысь Валентина Абросимова но трос мукетъёсыз.

Дышетӥсьлэн нуналэзлы сӥзьыса, яркыт ужрад ортчиз на Ижысь циркын. Отчы люкаськылӥзы республикаысьтымы 1 сюрс 700 пала визьнодасьёс.

Элина Кумачёва.

Туспуктӥз Владимир Беломорских.

Удмурт Дунне
By Удмурт Дунне 7 октября, 2011 09:49
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<