Ныпъет интые — ноутбук

Удмурт Дунне
By Удмурт Дунне 18 октября, 2011 09:09

Ныпъет интые — ноутбук

Дэри ёросысь Ягул школаын тросаз урокъёсын кутӥсько ни компьютеръёс. Директорлэн воштӥсез И. Бузилов информатикая урокъёсты нуэ кадетъёслэн классазы.

Дышетон удысэз туала вакытэ син шоры пуктыны уг луы ни компьютеръёстэк. Республикаысьтымы 629 школае пыртэмын Интернет — та уж борды улосмы 2006-тӥ арысен, Владимир Путинэн ялэм «Дышетон» нацпроект улонэ пыӵаны кутскем дырысен, тыро-пыдо басьтӥськиз.

— Котькуд 18 школьниклы туннэ 1 компьютер усе, — пусйиз дышетонъя но наукая министр Андрей Кузнецов. — Нош матысь дыре эшшо 179 школае 1 сюрс 500 компьютер вуыны кулэ.

Компьютеръёслы, Интернетлы луыса тыро-пыдо тодон-валанъёс басьтыны луонлыкъёссы табере кылдо инвалид пиналъёслэн но. Озьы республикаысьтымы 120 ныл но пи али, дорысьтыз потатэк, Интернет пыр дышетске. Матысь дыре эшшо 100 нылпилэн таӵе луонлыкез кылдоз.

Республикаысьтымы 6 школаосын кылдытэмын ни сьӧре нуллон ноутбукъёсын классъёс. Пиналъёс, урокъёсын сяна, урамын но, доразы но соосты кутыны быгато. Таӵе эксперимент ӟеч ортчиз ке, школьникъёс тыбыразы секыт учебникъёсты нуллоно уз луэ ни, оло, ноутбук соосты воштоз.

Элина Кумачёва.

Удмурт Дунне
By Удмурт Дунне 18 октября, 2011 09:09
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<