Модаын — ужась адями

Удмурт Дунне
By Удмурт Дунне 21 октября, 2011 07:42
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Модаын — ужась адями

Алексей Бессонов, Кун Кенеш бордын кылдытэм Егитъёслэн парламентысьтызы тазалыкез утёнъя комитетэн кивалтӥсь, Удмурт шаерысь тазалыкез утёнын тыршись егитъёслэн огазеяськонзылэн йырыз:

— Та нуналъёсы Россилэн Президентэз Дмитрий Медведев вазиськиз общественной комитетэ пырисьёслы, нимысьтыз саклык висъяны курыса странамылэсь кадръёсъя резервзэ кылдытонлы. Мон Президентлэн кылъёсыныз быдэсак соглаш. Малпасько, та ужпумез кышкатэк пыртыны луоз Удмурт Республикалэн Президентэныз ӵектэм «Азьлань, Удмуртия!» программае но. Угось визьмо егитъёс, коть соос шоркарын мед улозы, коть пыдлось гуртын, одно ик ӝутскыны, быгатонлыкъёссэс возьматыны кулэ. Нош та понна кун ласянь луонлыкъёс кылдытоно. Бен, татын Удмурт шаер висъяськиз ни. Угось республикаямы кӧня ке ар талэсь азьло паськыт вӧлмиз «Огъя Россия» партиен ялэм «Кадръёсъя резерв» ӵошатсконэз. Отын кыдам егитъёс туннэ нуналлы тыршо ини кивалтон ёзъёсын.

Пусйытэк кельтыны уг луы удмурт парламент бордын кылдытэм Егитъёслэсь парламентсэс но. Со сяна, шаерысьтымы егитъёс туэ гужем мыло-кыдо пыриськизы праймеризэ. Озьыен, соос асьсэлы оско, уг кышкало бадӟым политикае вамыштыны.

Со сяна, вератэк кельтэме уг поты бюджет удысын тыршисьёс сярысь. Ачим но угось дышетскемея эмъясь. Та нуналъёсы странаямы шумпотымон ивор вӧлмиз: гуртэ выжем егит эмъясьёслы 1 миллион манет подъёмной тыриськоз. Малпасько, эмъян удысэз ӝутонын та туж бадӟым вамыш. Нош мукет ласянь, таӵе ик саклыкез кулэ каре дышетон, культура но. Угось городын дышетскем егитъёслэн гуртэ выжемзы уг поты. Соин ик, малпасько, эмъясьёслы гинэ ӧвӧл, огъя бюджет удысын тыршисьёслы но юрттэт висъяно.

Дышетон, культура, эмъян удысъёсты гуртын ӝутон люконтэм герӟаськемын мукетыныз — гурт хозяйствоен. Соин ик сюлмаськоно солэсь но данзэ ӝутон сярысь. Шуом, егитъёс туннэ сямен медаз возьдаське комбайнёрын, трактористын тыршемзылэсь, медаз кепыралэ «та удыс модаын ӧвӧл» шуисьёслэсь. Мон малпамъя, та ваньмыз нимаз чурен чакламын луыны кулэ «Азьлань, Удмуртия!» программаын.

 

 

Удмурт Дунне
By Удмурт Дунне 21 октября, 2011 07:42
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<