Миндэрмы небыт ӧвӧл

Удмурт Дунне
By Удмурт Дунне 28 октября, 2011 08:04

Усёнме ке тодысал, азям куро вальысал, шуо удмуртъёс. Кин тодэ, оло вуоно арын ик небыт куро яке миндэр кулэ луоз дуннеысь уно кунъёслэн экономикаоссылы. Уго коньдон кризис я лябӟе, я нош ик зуркатэ. Мар утёз Удмурт Республикаез?

— Кышкыт нуналлы нокыӵе утись «миндэрмы» ӧвӧл, — шуэ Кун Кенешысь Экономикаын политикая, промышленностья но инвестициосъя ялан ужась комиссилэн тӧроез Андрей Гальцин. — Кылсярысь, трос вераськонъёс мыно Сюресъёсъя фонд кылдытон сярысь. Удмуртиын солэн быдӟалаез 3,5 миллиард манет луоз. Та уксё ӧвӧл на, нош чаклам коньдон берпум манетозяз люкылэмын ни. Соин югдур уродмиз ке, вань улосъёс сямен ик оскомы Россиысь Правительстволы.

Озьы ке но таиз ар кутскиз вал ӟеч осконэн — югдур воштӥське, малпамы. 9 толэзь ӵоже вань удысъёс азинлыко ужазы. Россиын производстволэн йылэм индексэз 105 процент луэ ке, Удмуртиын уката ӟечгес тупаз — 107 процент. Вань предприятиос огсыр ужазы. Му вӧй но газ кыскон вуизы 102 процентэ. Валамон, ар пумозь лыдпусъёс уката ӟечгес луозы на. Шумпоттӥз гурт удыс. Валля но миым кӧс гужемъёслэсь кышкаса, та удыслы 102 процент гинэ план пуктэмын вал. Озьы ке но удалтӥз — уж быдэстэмын 114 процентлы.

Та лыдпусъёс шоры учкыса, вуоно арлы ӝужыт гурезьёсы тубон план пуктыны кивалтӥсьёс уг дырто. Огъя югдурез та выллем ик возьыны пӧрмысал ке — со но туж ӟеч ини.

Но саклык висъяськоз инвестициосты кысконлы. Уго кылем арын шаерамы палэнысь вуиз 42 миллиард манет. Туэлы чакламын 48 миллиард манет. Озьы ке но Россиысь огъя югдур возьматэ: ӟӧк кисыё ужбергатӥсьёс  странаысь кошко.

Елена Скворцова. 

Удмурт Дунне
By Удмурт Дунне 28 октября, 2011 08:04
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<