Маин гочатоно вуриськисез?

Удмурт Дунне
By Удмурт Дунне 25 октября, 2011 07:50

Ижысь предприятиос но огазеяськонъёс та вакытэ ог 16 но ӝыны сюрлэсь ятыр инты ӵекто. Со дыре ик, уже интыянъя центрлэн лыдпусъёсызъя ог 3 сюрс 880 мурт тэк пукисен лыдъяське. Город туж ёрме ужась киослы!

Иж город администрацилэн йырызлэн воштӥсез Дмитрий Космин ивортэмъя, туэ тросэз предприятиос йыгмыт ужаны кутскизы. Кылсярысь, ар кутсконысен ог 2 сюрс муртэ кутӥз ни автозавод, «Ижстальысь» одӥгаз цехын выльдӥськонъёс ортчем бере ужась киос кулэ луизы. Кыстӥськыны ӧдъяло шоркарамы инвесторъёс но. Одӥгез соос пӧлысь, «Магнит» огазеяськон, усьтӥз бадӟым центрзэ. Отчы 2 но ӝыны сюрс пала ужасез кутӥз.

— Уж сётӥсьёс туннэ уждун но туж пичи уг ӵекто, — пусъе Ижысь уже интыянъя центрлэн кивалтӥсез Владимир Антонов. — Одӥг-кык ар талэсь азьло гинэ ӧжыт ӧй вал 4-5 сюрс манет дэмласьёс, али грузчикъёслы но ог 15 сюрс сёто манет ни.

Котьку сямен ик, уж утчасьёс пӧлын тросгес юристъёс, бухгалтеръёс. Нош преприятиос но огазеяськонъёс кулэясько ужась киослы: плотникъёслы, электрикъёслы, токарьёслы, штукатур-маляръёслы, вуриськисьёслы но мукет. Интыос озьы ик вань инженеръёслы, воспитательёслы, городысь эмъян учреждениосын уг тырмо 200 пала эмъясь сузэръёс но фельдшеръёс, школаос 138 дышетӥсез возьмало на.

— Вань малпан: шоркаре ужасьёсты кыскон вылысь ӝутоно служебной луись улон юртъёс, — вераз Дмитрий Космин. — Зэм, город тае огназ уз вормы, предприятиос но огазеяськонъёс асьсэос кутскозы, вылды, та   борды. Угось валало ни: адямиосты  маин ке но гочатоно.

Элина Кумачёва.

Удмурт Дунне
By Удмурт Дунне 25 октября, 2011 07:50
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<