Кык гуртэз котыръясько

Удмурт Дунне
By Удмурт Дунне 25 октября, 2011 07:49

Кык гуртэз котыръясько

Алнаш ёросысь Тыло гуртысь почтальонка Людмила Романова дэмла «Удмурт дуннелы» гожтӥськыны.

Алнаш ёросысь Тыло гуртысь почтальонка Людмила Романова куинетӥ арзэ бадӟым сумкаен ветлэ. Гожтэтъёсты-газетъёсты со нуллэ кык гуртэ — Тылое но бускель Кузьымгуртэ, таиз дорозь 3 иськем.  

Гуртъёсты пичи уд шуы, Тылоын — 104 хозяйство, Кузьымгуртын — 117. «Удмурт дунне» вуэ 120 корка, со пӧлысь 100-эз — кузьымгуртъёс доры. Тылоос лыдӟиськыны уггес ярато, шӧдске.

— Кайта арлы подписка лэсьтӥськом ни. Туннэ нуналлы 60 адями гожтӥськиз газетлы, ваньмыз сямен — арняяз 3 пол потӥсезлы. Колхозын уждун уг тыро бере, тросэз, пенсия басьтыкузы, гожтӥсько. Куддыръя пунэмен ик гожтӥськом ини. Арняяз куинь пол газет люкылӥсько. Нырысь мынӥсько Кузьымгуртэ, газет люкылыны ог 3 час кошке, собере Тылоез котыртӥсько. Пеймытэн доре бертӥсько, гуртъёс бадӟымесь, куазь дэри, сюрес шуг. Сумкаме капчи уд шуы, газет-журналъёс сяна, трос вуо заказной гожтэтъёс, соосты но доразы ик пыртӥсько. Ярам али, почтаен кивалтӥсьмы Людмила Драгомирова сюлмаськемен, мыным велосипед сётӥзы. Куинетӥ арнязэ мон питран вылын ни, уже капчигес луиз, — шуэ Людмила Николаевна.

Людмила Романова арняяз куинь нунал ужа, уждунэз 1 сюрс 650 манет сяна уг луы, но газетъёсты лыдӟисьёс доры вуттыны тырше нуналаз ик. Куд-ог дыръя пятницае потӥсь номерды йыроме, Алнаш ёросысь почта отделение жингыръятэк, уг луы, бӧрысь соос лэзё, шуэ кышномурт.

Почтальонкалы юрттэ Елена Герасимовна Смирнова. Та дышетӥсь школаын но, урамын но, магазинэ мыныкуз но, калыкез «Удмурт дуннелы» гожтӥськыны ӝутка. Уно аръёс ӵоже газетмес мыло-кыдо лыдӟо ини Иван Краснопёров, Галина Степанова, Наталья Попова но мукетъёс.

Галина Семёнова.

Туспуктӥз Владимир Беломорских.

Удмурт Дунне
By Удмурт Дунне 25 октября, 2011 07:49
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<