Кузьмаськонлы пум

Удмурт Дунне
By Удмурт Дунне 28 октября, 2011 08:09

Эльвира Марковина, Югдурез утёнъя министерстволэн пресс-службаеныз кивалтӥсь:

— Югдурез утёнъя министерство мылысь-кыдысь пыриське кун услугаосты электрон амалэ выжтонэ. Малпасько, туала улонын та туж кулэ. Туннэ нуналлы, кылсярысь, электрон амалэн сётыны быгатӥськомы таӵе услугаосты: адямилэн судимостезъя справка, политикая репрессие улэ шедемъёсты ӟече поттон сярысь бумагаос, пыӵал тӥрлыкез нуллыны лэзись лицензиез басьтон, йыружъёсты шараян сярысь куриськонъёсты кутон. Но калык пӧлын тужгес но вӧлмоз, малпасько, транспортэн герӟаськем услугаосты сётон. Кылсярысь, Интернет пыр вазиськыны луоз транспортэз регистрировать карыны, техосмотрез ортчыны. Электрон амалъя ик кутӥськозы водительлэсь удостоверенизэ басьтыны но экзамен сётыны вазиськонъёс.

Интернет пыр вазиськыны юрттоз кун но муниципал услугаосъя огъя портал — сое шедьтыны луоз www.gosuslugi.ru адресъя. Отын валэктонъёс сётоно луоз анкетаысь юанъёслы, пусъёно электрон но почта адрестэс. Куриськон гожтэмды бере 2 арня куспын тӥледлы вуоз кодэн гожтэт, со бӧрсьы — пароль. Со пыр быгатоды ини кун услуга басьтыны. Со понна уксё тырыны быгатоды дорысьтыды потатэк, он-лайн амалэн.

Мар бордын пайдаез электрон амаллэн? Нырысь ик, куриськон гожтыны быгатоды котьку — коть уйшор уйин, дорысьтыды потатэк. Кыкетӥез: анкетаын янгышъёс лэсьтыны уд пӧрмытэ — угось соос сярысь тӥледлы соку ик ивортозы кыл кутӥсь сотрудникъёс — таиз но гожтэт вуоз электрон почтады пыр. Куинетӥез, калыкмы понна тужгес но валтӥсез — маке кузьда черодын сылоно уз луы. Со сяна, электрон амал туж пайдаё луэ коррупциен нюръяськон ласянь. Угось нимаз адямилы кивалтӥсьёсын ваче син пумиськылоно уг луы, озьыен, кузьмаськон учыръёс но уз луэ. Пусйымон: электрон амалэ кемалась ӧм выже ай ке но, Интернет пыр вазиськисьёслэн лыдзы лачак люкаськиз ни.

Удмурт Дунне
By Удмурт Дунне 28 октября, 2011 08:09
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<