Кенер пуктод — кыл кутод?

Удмурт Дунне
By Удмурт Дунне 21 октября, 2011 08:06

Шӧртчиос берло дыре дышизы, адямиосты ас транспортэнызы нуыса-вайыса, коньдон поттыны. Куд-огез та понна юромо басьтэ автобусъёс но. Автостанциосы лыктӥсьёслы соос ичигес дун ӵектыса, адямиосты ас палазы берыкто. Кун Кенешысь нациосын ужан политикая, кышкытлыклэсь утиськонъя, регламентъя но Кун Кенешлэсь ужзэ радъянъя ялан ужась комиссилэн кивалтӥсез Александр Фоминов верамъя, таӵеос вылэ ог 1 миллион манетозь тыриськон тупатыны луэ.

— Собыдӟа тыриськонъёс тупатонлы мон уг дурбасьтӥськы вал, — пусйиз Кун Кенешысь депутат. — Но йыртэмасьёсты административной кыл кутон улэ кысконлы сӥзем законэз дасянэ пыриськизы муниципальной кылдытэтъёсысь специалистъёс но. Ӵапак соос штрафъёсты бадӟыматыны куризы.

Бен, огласянь, таӵе чурыт вамышлэн кулэлыкез вань. Угось тросэз ас понназы ужась водительёс ворттыло нокыӵе документъёстэк, выт тырытэк, пассажиръёслы нокыӵе страховкаос чакламын ӧвӧл. Ужбергатӥсьёслэн кисыосазы оглом ог 1 миллион долларозь пыре.

— Йыртэмасез одӥг пол, кык пол алӥськод, нош со уг вала ке, таӵеос, валамон, жаль ӧвӧл, мед тыриськозы,  — ватсаз А. Фоминов.

Тыриськонлэсь быдӟалазэ чакла быдэс комиссия — одӥг чиновник но ас кожаз сое тупатыны уг быгаты. Таӵе решение кутӥзы законэз дасясьёс, коррупцилэсь утиськон вылысь. Штрафъёс люкасько республикалэн яке муниципалитетъёслэн бюджетазы.

— Трос тыриськонъёс тупатэмын благоустройствоя куронъёсты быдэсъямтэ понна, — азьланьтэ веранзэ А. Фоминов. — Ижын югдурез чакласа возён вылысь кылдытэмын муниципал милиция управление но. Кылсярысь, та управление чакласа возе но кыл кутон улэ кыскытыны быгатэ жуг-жагез контейнеръёсысь кема дыр ӵоже поттымтэ, реклама щитъёсты лэзьымтэ интыосы инъям, тупатъян ужъёс дыръя  гудэм музъемез ӵошкатымтэ понна но мукет.

Вань асьсэлэн йырвисёнъёссы гурт муниципал кылдытэтъёслэн но. Уката ӵем шугъяськонъёс кылдо куд-огезлэн ульчаын пузэ воземеныз, ас тодэмезъя кенер ӝутэменыз сэрен. Кызьы таосты кыл кутытозы — чакланы быгато асьсэос муниципалитетъёс.

Элина Кумачёва.

Удмурт Дунне
By Удмурт Дунне 21 октября, 2011 08:06
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<