Йыды кеньыр интые сьӧдчабей

Удмурт Дунне
By Удмурт Дунне 4 октября, 2011 07:27

1-тӥ октябрьысен сӥзьыл призыв кутскиз. Азьвыл аръёсы сямен ик, туэ но шаерысьтымы 1 сюрс 700 пала пиос армие вамыштозы, медкомиссия пыр ортчозы 11 сюрс пала пиос. ӝыныезлэсь ятырез музъем войскоосы кутэмын луозы. Призывникъёс пӧлын тросгес луозы вузъёсты йылпумъям егитъёс. Службазэс альтернатива амалэн ортчыны мылкыд карисьёслэн лыдзы но йылӥз. Азьвыл аръёсы одӥг-кык мурт гинэ сыӵеос вал ке, туэ сизьым мурт люкаськиз ни. Соос мылкыд каризы почтальонлэсь яке санитарлэсь ужзэ быдэсъяны.

Армие ветлэм пиос ӵемысь адӟемпотостэм карылӥзы йыды, тари яке сезьы кеньырен пӧзьтэм ӝукъёсты. Туэысен солдатъёсты ческытгес сюдозы — сьӧдчабей я рис ӝукен. Призывникъёс коньдон пуйы интые банк картаез уже кутозы. Шаерысьтымы нырысетӥ солдатъёс сюрес вылэ потозы 18-тӥ октябре.

Валентина Емельянова.

Удмурт Дунне
By Удмурт Дунне 4 октября, 2011 07:27