Заводлэн кын куртчон вакытэз

Усьтӥськемез дырысен 46 ар тырмонзэ пусъе шаерысьтымы одӥгез валтӥсез предприятие — «ИжАвто» завод. Со кылдӥз 1965-тӥ арын 21-тӥ октябре. Нош производство радъяськиз ай 1966-тӥ арлэн пумаз гинэ — отын бичаны кутскизы «Москвич» машинаосты. 1988-тӥ арын «ИжАвто» рекорд пуктӥз — ар куспын поттэмын вал 190 сюрс авто.

2009-тӥ арын май толэзе «ИжАвто» секыт югдуре шедиз — заказъёс вуэмысь дугдӥзы, бичам машинаосты басьтыны мылкыд карисьёс кулэсмизы. Производство дугдытэмын вал ке но, завод куашканлы ӧз сётскы. Россиысь Правительстволэн Тӧроез В. Путин, озьы ик Удмуртилэн Президентэз А. Волков сюлмаськемен, «ИжАвто» предприятие туннэ нош ик азинске. Туэ августысен отын толэзьлы быдэ бичало 10 сюрс авто. Заводысь кивалтӥсьёслэн но, отын тыршисьёслэн но азьланезлы бадӟымесь малпанъёссы.

Елена Тугашова.