Городъёс но вожъясько

Удмурт Дунне
By Удмурт Дунне 25 октября, 2011 08:49

Городъёс но вожъясько

Наталья Решетникова, Алнаш ёросысь искусствоосъя школалэн директорез:

— Алнаш районмы котыр ласянь азинске. Калыкмы сюлмо уго, косэм ужез рос-прос быдэстӥсь. Хозяйствоосмы ӝутӥсько, тыршемзэс администрация но дунъяны выре, юртъёс ӝужало.

Искусствоосъя школа кема ӟудыса улӥз ӟеч юртлы. 1965-тӥ арын крезьгуръя школа усьтӥськиз вал коръёслэсь ӝутэм юртъерын. Куара отын умой ӧз чузъяськылы, липетэз вуж. Отӥяз партилэн райкомезлэн юртаз выжиз. Но татын но нылпиос йӧнала дышетскыны ӧз пӧрмытэ. Зал ӧвӧлэн репетициосы клубе бызьылӥзы. Секыт югдурмес Президент валаз. Со тыршемен, 2002-тӥ арын усьтӥськиз искусствоосъя школа. Кабинетъёс паськытэсь, югытэсь — городысь школаос но таӵеен ушъяськыны куддыр уг быгато. Кун Кенешысь депутат, милям ёросмы понна кыл кутӥсь Андрей Волков юрттӥз ӟеч крезьгуръя аппаратураен. Ми доры гуртъёсысь анай-атайёс гинэ но нылпиоссэс вайыло суредаськыны, эктыны, кырӟаны. 4 аресысен 11 аресозь пиналъёсты кутӥськомы.

Кык школаын дышетскись нылпи трослы сэзьгес луэ, солэн дунне шоры учконэз но паськыта, котькуд удысын азьмынӥсь луэ.

Зэм, бурдъёсмес вӧлъяммы потэ на вал тани мар ласянь. Театр люкет усьтэммы потэ. Дышетӥсьлы ставкамы ӧвӧл. Нош нылпиослэн туж бадӟым мылкыдзы артистлэсь улонзэ шӧдыны. Асьмелэн залмы, аппаратурамы вань, нош звукооператормы ӧвӧл. Туж уно костюмъёсмы, соосын нимаз вырись адями кулэ. Но оскисько: та ужпумъёс но ӝоген сэрттӥськозы-пертчиськозы.

Удмурт Дунне
By Удмурт Дунне 25 октября, 2011 08:49
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<