Вуз карыны шунды юрттӥз

Удмурт Дунне
By Удмурт Дунне 11 октября, 2011 10:29
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Вуз карыны  шунды юрттӥз

8-тӥ октябре Ижысь ипподромын ортчиз «Зарни сӥзьыл» ярмарка. Сое усьтыса, Кун Кенешлэн Тӧроез Александр Соловьёв, Правительстволэн Тӧроезлэн воштӥсез Александр Коробейников, гурт удысъя но сиён-юонъя министр Алексей Стрелков но мукет кивалтӥсьёс вылӥ дунъет сётӥзы гуртын тыршисьёслэн туэ ужамзылы.

— Кылем арын курадӟытэмез бере туэ куазь гуртоос пала кариськиз, — шуиз Александр Соловьёв. — Туэ тужгес трос ю-нянь будэтэмын. Тырмыт дасямын пудо сиён, удалтӥзы картошка но бакча сиёнъёс. Табере будэтӥсь сое мед вузалоз, нош басьтӥсьлы мед луоз мае бырйыны.

Кивалтӥсьёс пусъемъя, таӵе вуз карон табере арлы быдэ ортчылоз ипподромын.

Ярмаркалы шулдыр нуналэн но удалтӥз. Шунды тылсиос улын чечы, синмез ик мальдытыса, ворекъяз. Вань сиёнъёс пӧлысь со тужгес но трос вал угось: тӧдьы, ӵуж, курень — кинлы кыӵеез кулэ, сыӵезэ ик бырйы.

Городын улӥсьёс бырйиськизы. Одӥг килограмм кубистаез 3 манетысен 5 манетозь басьтылӥзы, картофкаез — 6 манет 50 коньыен.

Ипподроме вуиллям пӧртэм ёросъёсысь потребобществоос, СПК-ос, ас хозяйствозэс нуисьёс. Тани Анатолий Николаевлэн музъемез Вотка ёросын. Со будэтэ емышо писпуос: улмопу, чияпу, сутэрпу, крыжовник, слива, виноград но мукетсэ.

Анатолий Сергеевич та нуналэ трос улмопуоссэ вузаз.

Уно калык люкаськылӥз Ижын улӥсь кузпалъёс Лидия но Владимир Трифоновъёс доры. Пӧртэм выжы курегъёсты, ӵӧжъёсты, индоуткаосты, кроликъёсты вордо соос 3 сотка музъемазы.

Бакча сиёнъёс, чечы, губи, кирень гинэ но ваем та ярмаркае Сьӧлта ёросысь Кейлуд гуртысь Виктор Рябининлэн семьяез. Виктор Фёдорович чечыен вуз кариз, Екатерина нылыз — бакча сиёнъёсын.

— Сокем кузь сюресты ыштонъёсын уг берытскы-а? — юасько Екатериналэсь.

— Уг. Таӵе вуз каронэ ми арлы быдэ пыриськиськом. Со сярысь ум жаляське.

Таӵе ик капчи мылкыдзы вал мукет вуз карисьёслэн но. Вузась вузаськиз, басьтӥсь басьяськиз. Котькытын ог-огдэ валан шӧдӥськиз.

Иван Аркашев.

Туспуктӥз Владимир Беломорских.

Удмурт Дунне
By Удмурт Дунне 11 октября, 2011 10:29
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<