Вирсэръёсыз вӧлскемын пасьтана

Удмурт Дунне
By Удмурт Дунне Октябрь 5, 2011 08:38

«Удмурт кенеш» огазеяськонлэн Сюмси ёросысь ёзэз калык пӧлын бадӟым уж нуэ. Трос гуртъёсын улӥсьёс ӟеч тодо солэсь ужрадъёссэ. Ортчыло соос Удмурт нылкышно кенешлэн ёросысьтымы ёзэныз ӵош. Огкылысь ужаса ик Сюмси черкогуртын но мукет гуртъёсын «Табань» клубъёс кылдытэмын.

Соку гинэ вордӥськем нуныосты мумы-бубыосынызы ӵош больницаысь пумитало, ёрос культура юртын «Ним сётон» праздник ортчыто. Озьы ик удмурт сям-йылолъёсъя сюанъёс радъямын. Ужрадъёсты шулдыртэ Сюмсиысь «Жингыриос» ансамбль. Со ёросын но республикаын пӧртэм фестивальёсы, концертъёсы пыриськылэ.

Вань удмурт клубъёсты, огазеяськонъёсты люкаса «лыдӟон коркан» ортчыло писательёсын, поэтъёсын пумиськонъёс, буре ваён ӝытъёс. «Удмурт кенеш» огазеяськонлэн Сюмсиысь ёзэзлэн азьветлӥсез но шорсюлмыз — ёрос администрацилэн йырызлэн воштӥсез Людмила Даровских, нош Нылкышно кенешлэн ёзэныз кивалтэ Раиса Волкова. Ёросын удмуртлыкез ӝутонын озьы ик бадӟым уж нуэ Тукан гуртысь пенсионер Евдокия Ильиных.

Огъя вераса, Сюмсиысь удмурт огазеяськонъёслэн вирсэръёссы ёросэ пасьтана вӧлскемын ни. Со понна туж данъяськисько аспалъёсыным.

Анастасия Четверикова.

Удмурт Дунне
By Удмурт Дунне Октябрь 5, 2011 08:38
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<