Валлэн изнэсаз мычисько сяськаос

Удмурт Дунне
By Удмурт Дунне 25 октября, 2011 08:59

«Емыш бичан дыр» вуиз Эшъяськон юртэ. Таӵе нимын татын усьтӥськиз шаерысьтымы тодмо усточилэн Любовь Грачёвалэн адӟытонэз.

— Емыш бичан дыр — со мон понна сӥзьыллэсь кузьымъёссэ октон вакыт  гинэ ӧвӧл, та адӟытонэным мон уно аръёс ӵоже ужамелы аспӧртэмлыко йылпумъянъёс лэсьтӥсько, — пусйиз автор.

Любовь Грачёва горд сюез кызё арлэсь кема нырке ни. Сюен сяна, усточи быгатыса ужа мукет материалъёсын. Озьы кылдо фаянслэсь, фарфорлэсь,  шамотлэсь, сылал ыльняньлэсь арбериосыз.

Адӟытонын огазе луизы пӧртэм мылкыдъёсъя кылдэм ужъёс. Татын тӧлъя шонасько ненегесь сяськаос, соос вылын пуко нымы-кибыос. Выставкае вуэмъёс Ижлэн урамъёстӥз ортчо, палэзьпуос пӧлтӥ ветло, зарезь дурын пуко кадь. Автор туж тыршыса возьматэ пӧртэм чыры-пырыосты — валлэн изнэсаз пунэмын сяськаос, нош малпаськись тусо коӵышлэн шляпаез векчи сяськаосын чебермамын.

Грачёвалэн ужъёсыз огвакытэ туж зэмлыко но выжыкылысь выллем адӟисько. Тунсыко соослэн нимъёссы  но — «Тӧдьысяська но куалялюльы», «Сӥзьыл вордӥськон», «Кенер вылысь палэзь».

Учкисьёсты паймытиз Грачёвалэн горд сюйлэсь суредъёс шоры выль сямен учкемез — соос  рамкаосазы уг тэро кадь. Одӥгысьтыз ваське тубат, мукетысьтыз мычиське ӝуатэм фонарь, суредлэн сьӧраз пальккисько зарезь тулкымъёс.

«Емыш бичан дыр» адӟытон усьтӥськиз «Палэзян» фестиваль ортчем улсын. Ужрадэз шулдыртӥзы вуэм куноос — Финляндиысь «KEIKU» но «RUMДKKД» фолк-группаос,  Мордваысь «Морденс» арт-фолк группа. Соос вакчияк концерт возьматизы.

Вань мылкыд карисьёс адӟытонэн тодматскыны быгатозы на матысь 2 арня ӵоже.

Наталья Образцова.

Удмурт Дунне
By Удмурт Дунне 25 октября, 2011 08:59
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<