Арлыдоос синвуаськизы

Удмурт Дунне
By Удмурт Дунне Октябрь 5, 2011 08:36

Пичи Пурга ёросысь «Инӧс» удмурт огазеяськонэ но «Зарни шеп» ансамбле ветлӥсьёс алигес вуылӥзы районысьтымы ик Валион гуртэ, пумиськылӥзы татысь калыкен.

Валионын вазенгес ик газ пыртыны кутскемын вал, но кыӵе ке муген та ужын вис луиз. Нош мыло-кыдо гуртозы Олег Дабыров сюлмаськемъя газ кыскон йылпумъямын. Соин ӵош ик Валион пыр потӥсь сюрес но выльдэмын. Гуртоос шумпото Олег Геннадьевичлэн сыӵе ӟеч лэсьтэмез понна. Тау каремзэс вераса, шумпотэмзэс шори люкыса, валионъёс доразы шулдыртыны ӧтизы «Зарни шеп» ансамбльмес. Артистъёсын ӵош калык но кырӟаз, эктӥз. Арлыдоос, соослы тупась кырӟанъёсмес кылзыса, синвуаськизы.

Бадӟым тау карем потэ валионъёслы шуныт пумитамзы, ӝӧк выл тыр пӧрам сиёнзы, кӧжыен, нызьылиен шыдзы, чорыг лымзы понна. «Инӧс» огазеяськонмылэн но «Зарни шеп» ансамбльлэн нимынызы соослы тазалык но кузь даур сӥзиськом.

Федосья Тубылова.

Удмурт Дунне
By Удмурт Дунне Октябрь 5, 2011 08:36
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<