Пушкам ӝуатскиз горд шунды

Удмурт Дунне
By Удмурт Дунне Сентябрь 21, 2011 07:53
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Пушкам ӝуатскиз  горд шунды

Зарни йырсиё Луша Шихова.

Та нуналэз мон туж кема возьмай. Ма кызьы уд витьы, йырсие мынам яркыт-кельыт ук! Ижын арлы быдэ ортчылӥсь горд фестивале пыриськеме татчыозь ӧй вал на. Соин ик мылкыды туж бурдъяськемын. Ӵош дышетскись эше кылем арын фестивале ветлэмез сярысь туж мактаськиз на — мынам но адӟеме потӥз!
Я, тани вуим Космонавтъёслэн парказы. Соку ик азям горд пиёк сюриз. Шорам учкиз — мынектӥз. Мон но мынектӥ! Собере эшшо но эшшо кельытъёс сюризы на. Сомында гордъёсты огдыре адӟылэме  ӧй вал на — кыӵе трос соос вылэм. Зэмен но юнме уг верало, удмуртъёс пӧлын пиштӥсь йырсиёос котькытынлэсь трос шуыса. Таос борды итӥськиллям сьӧдъёс, тӧдьыос — тросэз ӵуж, нап-ӵуж, горд дӥсьёсын пӧрмытскиллям. Абдрамон!
Пырон дорысен ик ярмаркае шедимы. Татын маиз но ӧвӧл! Котькытчы вамышты — котыр пӧртэм конкурсъёс, концертъёс, шудонъёс… Йырпоромон! Огаз сэргын семьяос ӵошатско, мукетаз нылпиос кылбур лыдӟо, куинетӥяз кельыт нылъёс но пиос экто…
Сюресмес азьланьтонъямы мырӟиськимы «шундыос» (удмурт егитъёслэн «Шунды» огазеяськоназы пыриськисьёс) шоры. Э-э, шулдырлэсь но шулдыр вылэм татын! Шунды пиос арганэн шудо, шунды нылъёс котыразы люкаськемъёсты удмурт тапыртонъёсты эктыны дышето. Дӥсьтӥсьёсыз сцена вылэ но тубазы караоке кырӟаны. Эх, чузъяськизы ук удмурт гуръёс! «Пипу куар» но «Ой, тӥ чебер нылъёс!» олокӧня пол жингыразы.
Кӧт тырымон серекъяммы-шулдыръяськеммы бере вамыштӥмы огъяулоннимы пала. Мылкыд капчи, сюлэм шудэн пылаське. Малпасько, горд фестивальын ӝуатскем пуш шундые монэ, ар ортчыса, нош ик кыскоз горд фестивале.

Луша Шихова,
Удмурт кун университетысь студентка

Удмурт Дунне
By Удмурт Дунне Сентябрь 21, 2011 07:53
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<