ӝуй кӧкы

Удмурт Дунне
By Удмурт Дунне 14 сентября, 2011 10:13

ӝуй кӧкы

Гажано агроном Дадыкин весь косэ бакча емышъёсты кыӵе ке сфагнумен шобыръяны. Асьме шаерамы со будэ-а?

И. Широбокова.

Шаркан ёрос.

Сфагнум — Удмуртиын туж ӵем пумиськылӥсь ӝуй. Будэ улыг тэльёсын, сыръясь интыосын. ӵемгес пумиськылэ Яр, Балезино, Сюмси, Якшур-Бӧдья ёросъёсын. Будэ сӥен-сӥен: выжыез куасьме но, со вылэ будэ мукетыз сфагнум, озьы уно дауръёс ӵоже кылдэ гыбед (торф). Иське, кытын гыбед — отын сфагнум. Эшшо та ӝуез шедьтыны юрттоз нюрмульы — соос ӟеч бускельёс.

Гыбед ӝуен бакча емышъёсты биняд ке, соос быдэс толзэ кӧкыын сямен кӧлозы: висёнъёс но, куасьмон но, сисьмон но кышкыт ӧвӧл. Угось сфагнум, нырысь ик, бактериосты быдтэ, собере емышлы аслэсьтыз мускытсэ сётэ.

Октоно гыбед ӝуез май-октябрь толэзьёсы, пуртэн вандылыса. Тӧлатоно липет улын, шунды медаз адӟы шуыса. Кежыр-кежыр куасьтоно ӧвӧл — ӝуй тузон пурӟыса быроз. Вайёссэ тыроно емыш пӧлы — ящикъёсы, мешокъёсы.

Сфагнум яралоз дорын сяська будэтыны. Сад горшокъёсы, кӧльыос  интые, куасьтэм ӝуй пононо. Со мултэс вуэз кыскоз, нош киськаны вунэтӥды ке, запасэ люкам шапыкъёссэ выжыослы кузьмалоз. Озьы ик висёнъёслэсь утёз.

Вашкала вакытъёсы гыбед ӝуез тыро вылэм укно янакъёс вискы. Пияла бордысь вуэз кыскыса возе со. Укно пужмерен уг шобырскы, янак уг сисьмы.

Удмурт Дунне
By Удмурт Дунне 14 сентября, 2011 10:13
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<