Удмурт нылкышноос оскытозы финъёсты

Удмурт Дунне
By Удмурт Дунне 9 сентября, 2011 09:36

Удмуртиысь 13 мурт визь-нод люкалоз Суоми шаерын ортчись семинарын. «Финляндия-Россия» общество «Удмурт кенеш» но «Коми войтыр» огазеяськонъёсын валче таӵе дышетонъёс радъя ни 2007-тӥ арысен. Соосты ортчытыны юртто Фин-угор калыкъёслэн консультативной комитетсы но Финляндиысь Культурая фонд.

Март но июнь толэзьёсы таӵе дышетсконъёс ортчизы Ижын но Петрозаводскын.   Лекциос кылзыны, проект гожтонъя тодон-валан люканы куриськиз сюлэсь трос мурт. Дышетскон бере котькудӥз быдэстӥз доре ужзэ — гожтӥз аслэсьтыз проектсэ. Бӧрысь та ужъёс эскеронэз ортчизы. Экспертъёс бырйизы устозэ 30 проектэз. Таос пӧлын Удмуртиын быдэстоно ужъёс но.

Шаерысьтымы проект уж борды кутскемъёс пӧлысь — ваньмыз сямен нылкышноос, пӧлазы одӥг гинэ воргорон. Куинетӥ семинарын — Тампере городын — соос котькудзы асьсэлэн ӵектонъёссылы презентация ортчытозы, Финляндиысь экспертъёслы валэктыны турттозы, малы та проектэз одно ик быдэстыны кулэ.

Елена Скворцова.

Удмурт Дунне
By Удмурт Дунне 9 сентября, 2011 09:36
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<