Огезлы шуныт — кезьыт, мукетызлы кезьыт — шуныт

Удмурт Дунне
By Удмурт Дунне 14 сентября, 2011 10:15

Огезлы шуныт — кезьыт, мукетызлы кезьыт — шуныт

 Сӥзьыл вуыса, эштосъёсын но, нимаз хозяйствоосын но саклык висъяло гидъёсты тупатъянлы. Кызьы ортчытоно та ужез, ӝегатскытэк но трос коньдон кисьтытэк, валэктэ пудо эмъян наукаосъя кандидат, Ижысь гурт удысъя кун академиысь доцент Екатерина Михеева.

Нырысь ик кутсконо борддоръёсты но выжъёсты тупатон борды. Пу борддоръёсты сузяло но изваскаен буяло. Нимысьтыз саклык висъяно ыжъёслэн улон сэрегзылы, татын кырсь ке, кор вискытӥ тӧл шула ке, гонзы погмаське, шер-тур кыле.

Гид выж мед луоз пулъёслэсь, музъемлэсь 20-25 сантиметрлы вылӥын, ӧжыт някыртоно, кыед ас понназ мед васькоз но одӥг интые мед люкаськоз шуыса. Ыжъёслы, кечъёслы но тылобурдоослы яралоз горд сюйлэсь выж но, со щебенен суро шуккемын но вылтӥз луоен кисьтэмын ке. Та учыре кыедзэ утялтоно ӧвӧл, угось сисьмыкуз со шуныт поттэ.

Толалтэ пыд улын возёно куро, пул пызь (ыжъёс дорын куро гинэ). Со юрттоз шунытэз утьыны.

Гидлэсь вӧлдэтсэ (липет паласен) зырало горд сюен, вылаз кисьто пул пызь, куар, ӝуй. Нош пушласянь изваскаен шобырто, тӧдьы буёлэн пумиськыса, шунды сиос выж вылэ усёзы но гидэз югытгес карозы шуыса.

Гидын одно ик луыны кулэ вентиляция. Мултэс мускытэз, урод газъёсты кыскись мурыез (быдӟалазы 50х50 яке 60х60 сантиметр) поттоно липет вадьсы но котыртӥз туйылоно, шунытэз медаз поты шуыса. Чылкыт омыр вайись гумыосты (быдӟалазы 20х20 сантиметр) борддор борды юнмато, кулэ дыръяз усьтон яке пытсан понна мед луоз клапанэз.

Нимысьтыз куронъёс вань на югытлы. Толалтэ пудоос курадӟо пеймытын, пиоссы сьӧдун кылё. Шунды тылсиос дырын-дырын ке но гидэ мед пыралозы шуыса, котькуд 10 квадрат метр выжлы луыны кулэ укно.

Одӥгъёсыз пудоос кезьытгес интыын улысалзы, мукетъёсыз шунытэз ярато. Озьы парсьёс +16 градусын умой тэлеӟо, скалъёс эркын шокало +6+10 градус дыръя, ыжъёслы, кечъёслы яра +5+8. Тодын возёно: ыжъёсты ӧвӧл возёно кот гидын, котлэсь гонзы гынме. Соосты ӵемгес поттылоно азбаре яке гид азе (-20 градуслэсь кезьыт ӧвӧл ке).

Эн вунэтэ турынэз шыръян сярысь но — кормушкаостэс йӧнала шукке.

Удмурт Дунне
By Удмурт Дунне 14 сентября, 2011 10:15
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<