Ньӧр дасян

Удмурт Дунне
By Удмурт Дунне Сентябрь 14, 2011 09:58

Ньӧр дасян

 Вашкала дырысен адямиос бадьпу ньӧрлэсь пӧртэм арбериос кутазы. Та ужен нырысь ик вырыны кутскизы шуръёс, тыметъёс котыре улыны интыяськемъёс, ньӧрлэсь чорыган котыръёс пӧрмытылӥзы.

Бадьпу ньӧр — пӧртэм киужъёслы тупась материал. Мар но солэсь лэсьтыны уг луы — кудыос, чемоданъёс, кӧкыос. Бызьыны дасяськись ныллэсь пирданзэ анай-атаез озьы ик люкаллязы бадьлэсь лэсьтэм сандыке. Зэм, узыргес семьяослэн пулэсь лэсьтэм но кортэн дурем сандыкъёссы  вал ни. Озьы ке но ньӧрлэсь дасямез трослы капчигес вал. Со сяна, отчы тырем дӥсь ӧз пыкмылы.

Киужен вырисьёс ньӧрез туннэ но туж паськыт куто. Та уж борды кутскыны мылкыд карисьёслы кӧня ке урок ортчытом.

Нырысь ик тодоно: киужлы ярало 1-2 аръем бадьпулэн вайёсыз. Вайёс небытэсь, вольытэсь но куасалляськисесь мед луозы. Со сяна, чаклано вайлэсь шорсюлэмзэ но, пуртэн вандыку, со шортӥз умой пилиськыны кулэ.  Вайёсыз дасяно вазь тулыс, бадьлэн сокез потыны кутскемлэсь азьло, яке сӥзьыл, куаръёс усем бере. Бадьпуэз гужем уг дасяло. Киужен вырыны тужгес но тупало сӥзьыл но толалтэ вандэм вайёс. ӵапак та вакытэ ньӧръёс золэсь но небытэсь луо. Ярало-а, уг-а соос киужъёс лэсьтонлы — чаклано бадьлэсь кыӵе интыын, кыӵе музъемын будэмзэ.

Ньӧръёсты бичам бере соосты умой куасьтоно шунды азьын.

Кӧсам ньӧръёсты сулзылэсь сузяно. Сузян понна вайёсты 30-50 минут пӧзьтоно но собере ӟырт кезьыт вуэ пононо. Ужано перчаткиосын, угось бадьлэн сулаз туж трос буясь веществоосыз. Соин ик ньӧръёс но пӧзьтыку сьӧдэкто. Соосты тӧдьы-ӵуж кароно. Со понна амалъёс вань.

1 люкет хлор известез сурано 15 люкет вуэн но 1-2 процент серной кислотаен. Но тросэз ньӧръёсты сераен ӵынато, 1 кубометр быдӟа ньӧрлы 60 грамм пала сера кошке. Сое сутоно горд сюй яке корт посудаын. Сера сутскем бере посудаез ворсано, отчы понэм ньӧръёсты тӧдьы луытозязы 3-6 час пала возёно.

Тазьы дасям материалэз соку ик уже кутоно, соин ик ньӧръёсты дасяно кулэезъя гинэ, чаклам киужлы соос мед тырмозы.

Табере инструментъёс дасяно. Кулэ луоз: пурт, кусачки яке бокорезы, плоскогубцы, круглогубцы, пежъян.

Кутскон понна басьтӥськоно лякыт быдэстоно киуж борды. Бадӟымгес киужъёслы туала вакытэ нимысьтыз шаблонъёс но вузасько ни. Соос мастерлэсь ужзэ трослы капчиято.

Одӥг киужез быдэстыку гинэ но, пӧртэм кутаськон амалъёс кутӥсько: ажурен, квадратъёсын, чурен-чурен, гозыен но мукет.

Та сярысь мадёмы мукетаз урокамы.

Вера Кузнецова,

Ижын улӥсь.

Удмурт Дунне
By Удмурт Дунне Сентябрь 14, 2011 09:58
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<