Выж борды кулэ вокзал

Удмурт Дунне
By Удмурт Дунне 30 сентября, 2011 09:40

Выж борды кулэ вокзал

«Россиысь чугун сюресъёс» огазеяськон берло дыре ӟеч ужъёсыныз шумпоттэ. Гужем Глазовын выль выж лэсьтӥзы, нош вторник нуналэ шумпотон вуиз можгаос доры. Чугун сюресъёс вамен пыдын ветлон выжзы соослэн кемаласьгес шальтран калэ вуэмын вал.

Туэ тулыс шаерысьтымы куд-ог городъёстӥ Вормон поезд ортчиз. Можга городын улӥсьёс но сое учкыны трос люкаськылӥллям. Чугун сюрес вамен выж вылтӥ ортчон интыез ик вылымтэ. Можга вокзалын ужасьёс кышкатскиллям: уз-а куашка выж? Выж соку ваньзэс чидаз. Можгаослэсь сюлмаськонзэс сэрттыны-пертчыны юрттӥзы «Россиысь чугун сюресъёс».

Можга городын улӥсьёс ӧз но малпалэ, пагӟаос гужем куспын кылдозы шуыса. Лэсьтӥськисьёс мытэм ужзэс шаплы быдэстӥзы.

— Азьвыл выжмы 2 но ӝыны метр вал, пагӟаосыз — пулэсь. Сисьмыны кутскылэм интыоссэ кышъяны выримы ке но, нылкышноослэн ӝужыт каблукъёссы куд-ог дыръя кугӟаллязы, — шуэ Можга станциен кивалтӥсь Наталья Буйлова. — Поездысь васькемъёс табере эркын вамышъяло — выжлэн пасьталаез 3 метр 20 сантиметр, кузьдалаез 54 метр. Ӝужыт выжысь ньыль васькон интыез вань.

Выжез усьтонэ вуылӥзы Удмуртилэн Президентэз Александр Волков, «Россиысь чугун сюресъёс» огазеяськонлэн Горький ёзэныз кивалтӥсь Анатолий Лесун, Можга городлэн йырыз Сергей Пантюхин но мукетъёс. Ужрадэ вуылӥз на Можгаысь Архангел Михаиллэн храмысьтыз баӵко Валерий Лысов. Вань люкаськемъёслы со бакель сӥзиз, выжез вӧсяз.

Котьма ке но, можгаослы буйгатскыны вазь; куд-ог лэсьтӥськон ужъёс йылаз-пумаз вуттымтэ на. Проектъя чакламын тубон-васькон кузя пандусъёс юнматыны. Чебер выж вӧзын табере бездытгес адске Можга станцилэн юртэз но. Пумиськон дыръя выль юрт пуктон сярысь кылпум поттылэмын вал. Можгаос оско, чебер малпанъёссы быдэсмозы шуыса.

Валентина Емельянова.  

Удмурт Дунне
By Удмурт Дунне 30 сентября, 2011 09:40
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<