«Чебер нылъёс» чузъяськозы коми кылын

Удмурт Дунне
By Удмурт Дунне Сентябрь 21, 2011 07:54

«Чебер нылъёс»  чузъяськозы коми кылын

К. Анисимов.

Удмурт кун университетысь удмурт филологияя факультет Россиысь вузъёсын кусып тупатӥз студентъёсын вошъяськон пумысен. Талы луыса милемын ӵош таяз семестрын дышетске Марий Элысь Мария Николаева. Со ӝоген ми кадь ик удмурт кылын вольыт верась-кыны кутскоз. Со сяна, дышетэ на китай кылэз. Озьыен, Йошкар-Олаысь эшъёсызлэсь со быдэс йырлы вылынгес луоз.
Мария Николаева дорамы Марий Элысь лыктӥз ке, со интые отчы огдырлы дышетскыны кошкиз 5-тӥ курсысь Алёна Казакова. Нош Коля Анисимов тодон-валан люка Сыктывкарын. Вылӥ дышетскон заведениосысь филологияя факультетъёсын дышетскон программаос сокем уг висъясько бере, асьме студентъёс палэнын ик куд-ог предметъёсъя экзаменъёсты но сёто. Валамон, сьӧрло потыса, соос тодматско мурт культураен, сям-йылолъёсын, кылэн, отысь тодмо адямиосын.
Тани мар вера Коля Анисимов Коми шаерын дышетскемез сярысь:
— Сыктывкар пичи ке но, туж чебер город. Котькытын чылкыт, выль юртъёс трос пуктӥсько. Университетазы коми кылъя нимысьтыз факультет ӧвӧл, сое огазеяллям мукет факультетъёсын гуманитарной наукая институтэ. Соин ик дышетскисько национальной филология специализациын. Комие вуэме бере нырысетӥ нуналаз ик отысь студентъёс мон понна экскурсия радъязы. Кык нунал куспын быдэс городэз ортчим. Куспамы вераськиськом коми, удмурт, фин но ӟуч кылъёсын. Туж тумошо кылӥське, вылды, мон удмуртэн, эшъёсы комиен верасько ке. Одӥг кадь кылъёсты шедьтӥськом ке, э-э! шумпотӥськом ук. Ог 90 процентсэ коми кылъёсты тодӥсько ни кадь потӥсько. Сыктывкарын монэ коми егитъёслэн «МИ» огазеяськоназы пыртӥзы, дасяськиськомы калыккуспо форум ортчытыны. Куд-ог удмурт кырӟанъёсты бырыктӥмы коми кылэ, кылсярысь, «Ой, тӥ чебер нылъёс», «Ум люкиське». Палэнын возьматыны тыршисько удмурт кылмылэсь чеберзэ, фольклормылэсь, сям-йылолъёсмылэсь аспӧртэмлыксэс. Удмурт кылын, культураен тунсыкъяськисьёс отын ӧжыт ӧвӧл.
Вузъёс куспын студентъёсын вошъяськонъя программаос фин-угор калыкъёслэсь кусыпъёссэс юнматыны кулэ. Выль эшъёс кылдо ке, озьыен, пичи калыкъёс  кыдалозы гинэ.

Елена Рябина,
Удмурт кун университетысь студентка   

Удмурт Дунне
By Удмурт Дунне Сентябрь 21, 2011 07:54
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<