ӟеч утялскисьёс

Удмурт Дунне
By Удмурт Дунне 23 августа, 2011 11:56
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Инкуазь узырлыкъёсъя но инкуазез утёнъя министрлэн Михаил Кургузкинлэн  валэктэмезъя, али ведомстволэн ужез выль сямен радъяськоз. Министерстволы 15-тӥ сентябрёзь дасяны косэмын  2012-тӥ — 2014-тӥ аръёслы чаклам «Котыр инкуазь но инкуазь узырлык» программа. Со сизьым люкетлэсь луоз: инкуазьлэсь ӟечлыксэ эскерон, инкуазь узырлыкез пайдаё кутон но утён, Удмуртиысь ву хозяйствоя комплексэз азинтон но мукет. 2012-тӥ арын Удмуртилэн бюджетысьтыз та программалы висъяськоз 159 миллион манет. Со чутрак воштыны кулэ республикаысь экологияя политикаез.

Вуз поттонысь кылем-мылемъёсты пайдаё кутонъя программа 2010-тӥ-2014-тӥ аръёслы чакламын. Вить ар ӵоже солы висъяськоз 749 миллион манет. Та коньдонэн лэсьтыны кулэ жуг-жаг возёнъя 23 станция, со пӧлысь 15-сэ — ёрос центръёсын но 8-сэ — нимаз полигонъёсын.

Михаил Георгиевич мадемъя, асьме бюджетысь туэ 63 миллион манет висъямын та ар ӵоже инкуазез утёнлы. Со пӧлысь 30 миллионэз — республикалэсь ву хозяйствозэ возёнлы.

Министерство арлы быдэ ортчытъя инкуазез утёнлы сӥзем нуналъёс. 2010-тӥ арын та ужрадэ 686 сюрс адями пыриськиз, яке асьме республикаысь 40 процентэз улӥсь. Соос юрттэмъя утялтэмын юнме интые куям 1 сюрс 339 жуг-жаг интыос, полигонъёсы ворттэмын 58 сюрс тонна  куштэм кылем-мылемъёс, сузямын 264 ошмес, мерттэмын 59 сюрс писпу. Россиын та выллем ортчылӥсь ужрадъёсын Удмуртия котьку сямен нырысетӥ интыосы потэ. 2010-тӥ арын 83 улосъёс пӧлын со куинетӥ луиз.

Чылкытатонэ тужгес но мыло-кыдо пырисько Ижевск но Вотка городъёсын, Дэри, Красногорск но Пичи Пурга ёросъёсын улӥсьёс. Та ужрадын вормемъёсты ӟечкылан ортчоз октябрь толэзе.

Иван Аркашев.

Удмурт Дунне
By Удмурт Дунне 23 августа, 2011 11:56
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<