Шунытэз тырмоз быдэс гуртлы!

Удмурт Дунне
By Удмурт Дунне 31 августа, 2011 10:18

Шунытэз тырмоз  быдэс гуртлы!

 

Сентябрь вуэмлэсь кӧня ке нуналлы вазьгес Кияса черкогурт тымиськиз школа пала киязы сяськаосын вамышъясь пиналъёсын. Нылъёс тӧдьы бантъёсын, пиос костюмъёсын пӧрмемын. Тусъёссы — шудолэсь но шудо. Та нуналэ соосты пумитаз кема возьмам выль школазы!

Школаез усьтонэ Киясаын вань улӥсьёс люкаськизы, оло. Соосты ӟечкыланы вуизы Президент Александр Волков, Кун Кенешлэн Тӧроез Александр Соловьёв, Правительстволэн Тӧроезлэн воштӥсез Людмила Чунаева но республикаысьтымы мукет вылӥ кивалтӥсьёс.

— Республикамылэн бюджетаз бергась коньдон пӧлысь ньыльмос люкетэз кошке дышетон удыслы, — вераз Александр Волков, ужрадэз усьтыса. — 2011-тӥ арын 13 миллиард 739 миллион манет висъяны чакламын. Россиын та нуналъёсы 80 выль школа усьтӥське, со пӧлысь 5-ез — асьме дорын.

Тазэ дышетон учреждениез усьтонлы кошкиз 230 миллион манет. Но со юнме ӧз кисьтӥськы — тае ӟеч адӟо киясаос. 400 муртлы чаклам школа паймымон чебер пӧрмиз. Отын спортзалэз ик кык. Нылпиос сяна, вань мылкыд карисьёслы соослэн ӧсъёссы усьтэмын луозы. Нош школалэн котельноез котырысьтыз улон коркаосты но шунтоз.

Элина Васильева.

Удмурт Дунне
By Удмурт Дунне 31 августа, 2011 10:18
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<