Усьтӥсько выль луонлыкъёс

Удмурт Дунне
By Удмурт Дунне 31 августа, 2011 10:15

Усьтӥсько выль луонлыкъёс

 

Удмурт кун университетысь Мувӧйя но чагыр эстӥськонъя институтысь студентъёс туэ дышетскыны кутскозы чылкак выль аудиториосын. Выль юрт  усьтэмын!

Институтлэн юртэзлы нырысетӥ кирпич понэмын вал ог 5 ар талэсь азьло. Сое ӝутонлэсь бадӟым люкетсэ ас вылаз басьтӥз «РуссНефть». Озьы институт азьысь лентаез вандон ужрадэ вуылӥз огазеяськонлэн кивалтӥсез Михаил  Гуцериев юрттӥсьёсыныз ӵош. Сӥё-дано ужрадэ пыриськизы Президент Александр Волков но республикаысьтымы мукет вылӥ кивалтӥсьёс.

Россиын мувӧй кыскон удыслы вылӥ тодон-валанэн специалистъёсты дасясь учреждение та вакытэ 9 гинэ. Удмурт кун университетын факультет усьтэмын ни 1993-тӥ арын. Туэысен со пӧрмытэмын институтлы. Та дыр куспын отысь потӥз 1 сюрс 413 специалист. Пӧлазы — мувӧй но чагыр эстӥськон удысысь кивалтӥсьёс, экономистъёс, инженеръёс но мукет. Удмурт кун университетлэн ректорез Семён Бунтов верамъя, выль юртлы луыса табере выль кафедраос усьтӥськозы. Вуоно арысен ик 2 выльёсыз ужаны кутскозы — теплофизикая но мувӧй но газ скважинаосты гудонъя.

Институтын та вакытэ 450 пала студент тодон-валан басьтэ. Но инты татын тырмоз мукет факультетъёсын дышетскисьёслы но. Аудиториос выль ӝӧк-пуконъёсын, дышетскон арбериосын, компьютеръёсын узырмытэмын ни. Кыказ этажын чакламын сиськон интыос, ужалоз медпункт, усьтӥськоз геологияя музей. Трос интыос висъямын луозы лабораториослы, пӧлысьтызы витез озьы ик студентъёсты возьмало ни.

Нялтас вераса, «РуссНефтьлэн» кивалтӥсез республикамылы азьланяз но юрттыны пумит уг луы. Кылсярысь, Мувӧйя но чагыр эстӥськонъя институтысь студентъёслы со огъяулонни пуктыны дась луэмзэ вера.

Элина Кумачёва.

Туспуктӥз Владимир Беломорских.

 

Удмурт Дунне
By Удмурт Дунне 31 августа, 2011 10:15
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<