Таӵеез Якшур одӥг

Удмурт Дунне
By Удмурт Дунне 30 августа, 2011 12:35
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Таӵеез Якшур одӥг

Якшур-Бӧдья ёросысь якшуръёслэн вашкала пужымзы.

Туннэ нуналлы элькунамы кык Якшур, куинь Ягул но ньыль Ягошур гуртъёс лыдъясько. Отын вордскем, будэм но али улӥсьёс понна дунне вылын дуноез но мусоез сэрег ӧвӧл, дыр. Валентина Николаевна Широбокова гогыеныз бурмемын Якшур-Бӧдья ёросысь Якшур гурт борды. Тӧдьыошмес юзмыт вуэныз будыны кужым сётӥз, гольык пыд бызьылӥз Тупал но Дургапал ульчаостӥ, узы-боры бичаз Болтайгопын но Чекергопын. Гуртэзлэсь палэнэ дышетскыны гинэ кошкылӥз, ужаны но кыдёке ӧз ветлы.

РСФСР-ысь дышетон удысысь отличник В. Широбокова, вордскем интыосызлы, гурт калыкезлы тау карыса, кузьым дасяз. Алигес «Удмуртия» издательствоын югыт дуннеез адӟиз Валентина Николаевналэн «Якшур — это речка в сосновом бору» туж йӧно, кие кутымон книгаез. Шаерчиослы, якшуръёслы та дуно уж. Солэсь кулэлыксэ, улонын интызэ аръёс ортчемъя гинэ валаломы. В. Широбокова вань улытозяз Якшур гуртэз сярысь материалъёс люкам. Книгалэн шорсюлмыз — со Якшур гуртысь пӧртэм семьяослэн выжыоссы. Гордпиослэн, Конёнъёслэн, Покольёслэн, Вахрушевъёслэн, Лёгорпиослэн XVII даурысен кутскыса шедьтэм ӵыжы-выжыоссы пыр возьматӥське дано гуртлэн 350 аръем улон сюресэз. Кӧня пукемын пӧртэм архивъёсын, кӧня журнал-газетъёс бугыръямын, кӧня адямиосын пумиськылэмын но вераськемын, Якшурлэн историез син шоры мед пуксёз шуыса! Туннэ со сярысь авторез гинэ вераны быгатоз.

Удмурт гурт трос дано пиос но нылъёс будэтӥз. Тани Николай Александрович Вахрушев СССР-ын одӥгез устоез лэсьтӥськись вал, солы Социалистической Ужысь Герой ним сётэмын. Ньыль мурт Ленин орденэн пусъемын. Со возьматэ ни та гуртлэсь дано луэмзэ. Татӥ ик XIX даурын ортчиз Россилэн эксэез Александр I матысь эшъёсыныз но юрттӥсьёсыныз. Удмурт калык вераськонъёсты эскериз фин тодосчи Т. Аминофф. Туала вакытэ татын ужаз но троссэ якшуръёсты кагаз вылэ пуктӥз Россиысь дано суредась, Удмуртиысь калык художник Пётр Ёлкин.

Та книга вань лыдӟисьёслы кельшоз. Огазе люкамын Якшурен герӟаськем тодэ ваёнъёс, нылпиослы шуыса, сётэмын визькылъёс, выжыкылъёс, озьы ик шедьтыны луоз гуртоослэсь вордскем интызылы сӥзем кылбур чуръёссэс но крезьгуръёссэс.

Якшур-Бӧдья но Дэри ёросысь Якшур гуртъёс сярысь книгаос потӥзы ни. Черод вуэмын Ягул но Ягошур гуртъёсын улӥсьёслы таӵе ик синмаськымон уж дасяны.

Георгий Туйматов.

 

Удмурт Дунне
By Удмурт Дунне 30 августа, 2011 12:35
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<