Малы нош ик будо бензинлы дунъёс?

Удмурт Дунне
By Удмурт Дунне 5 августа, 2011 14:36
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Малы нош ик будо бензинлы дунъёс?

 

Толон Кун Кенешлэн Тӧроез, «Огъя Россия» партилэн улосысь ёзэныз кивалтӥсь Александр Соловьёв но Кун Кенешлэн Тӧроезлэн воштӥсез, партилэн «Калык контроль» проектэныз кивалтӥсь Владимир Невоструев бензинлы дунъёс пумысен нимысьтыз вазиськон лэсьтӥзы. «Егит гвардиысь» активистъёс, бензин дунъёсты кулэстыны курыса, мувӧй компаниослэн офисъёссы азьын пикетъёс ортчытӥзы.

— Кун Думае дырызлэсь вазь куара сётон дыръя но адямиос ялан юанъёс сётъязы бензинлы дунъёс пумысен. Соин но республикаямы чакламы пумитъяськон ужрад кутскыны, — шуиз А. Соловьёв. — Та лэчыт ужпумъя туэ март толэзе пумиськылӥмы куд-ог мувӧй компаниослэн кивалтӥсьёсынызы. Собере Россиысь Правительстволэн премьерез В. Путин но февраль толэзе соосыз куриз бензинлы дунъёсты кулэстыны. Таӵе вераськонъёс бере югдур кӧнялы ке умояз вал, тулыс бусы ужъёслы дизтопливо но дунтэмгес дунын хозяйствоослы кошкиз. Республика быгатӥз 10 сюрс тонна эстӥськонэз дунтэмгес дунын басьтыны.

Но бусы ужъёс йылпумъяськем бере «Лукойл» компанилэн кивалтӥсез ивортӥз бензинлы дунъёсты будэтон сярысь. «Лукойллэсь» соку ик адӟем каризы мукетъёсыз компаниос.

Мар сётоз «Егит гвардиысь» активистъёслэн пумитъяськонзы?

— Та ужрадлэсь возьмаськом огкылэ вуонэз. Нырысь ик огкылэ вуоно мувӧйлэсь продукция поттӥсьёсын. Соос туннэ дунъёсты тупато. АИ-92, АИ-93 маркаен бензинлэн одӥг литрез 16-18 манетлэсь дуно, нош АИ-95-лэн 20 манетлэсь вылӥын луыны кулэ ӧвӧл, — шуиз А. Соловьёв.

В. Невоструевлэн верамезъя, туала урожаез утялтонлы эстӥськон тырме, вылаз ик, эштос кузёос сое вазенгес ик дунтэмгес дунын басьтӥзы. Но дунъёсты али ик уретыны ӧз ке луы, сое руль сьӧрын ветлӥсьёс гинэ уз, вань калык шӧдоз. Угось бензинлэн дуныз шуак тэтчоз сиён-юонлэн, дӥськутлэн дунъёссы вылэ. Соин ик мон но мылысь-кыдысь дурбасьтӥсько «Егит гвардилэн» ужрадэзлы.

Кивалтӥсьёс оскытӥзы: мувӧй монополистъёсын огкылэ вуыны ӧз ке пӧрмы, «Егит гвардия» нюръяськонзэ азьланьтоз вуоно арняе но.

Татьяна Банникова.

 

Удмурт Дунне
By Удмурт Дунне 5 августа, 2011 14:36
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<