Гужем вуоз на

Удмурт Дунне
By Удмурт Дунне Август 31, 2011 10:32

Гужем вуоз на

 Каллен вамышъясько шур дуртӥ. Ыркыт тӧл йырсиосме туга. Пеймыт уй ваське ни музъем вылэ. Инмын лэчыра тыр толэзь. Тылобурдоос, изьыны валатэк, шулдырто шур дурез.

Лёгасько огнам тодмо сюресъёсты. Йыре лыкто пӧртэм малпанъёс: ортчемез сярысь тодэ ваёнъёс но вуоноез сярысь сюлмаськонъёс. Уката ик тодам лыктэ, кызьы одӥг пи нылэз ӟыгыртӥз но шуиз: тон мынам мусое. Соку но, али сямен ик, инмын соос шоры учкылӥз тыр толэзь. Егитъёс трос пол ортчылӥзы та сюрестӥ. Учкылӥзы кизилиё инбаме, кылзылӥзы шурлэсь жильыртэмзэ.

Но шудо нуналъёс бус кадь тӧлӟизы. Соку нылаш нырысьсэ адӟиз яратонзэ мукетэныз. Нылмурт кыл юаса ӧз ветлы, кужмысь мусо уд луы уго. Визь сое вала, нош сюлэм аслэсьтыз каре: вите, мӧзме, оске. Ортчизы шулдыр гужем нуналъёс, уӵыё уйёс, шур дуртӥ, тодмо сюрес кузя гажанэн ваче ки вамышъян дыръёс. Озьы ке но нылаш выжыкыл дуннелы осконзэ ӧз ышты: ваньмыз ортчоз, сюлэм яра но бурмоз. Улон ук со. Сӥзьылэз воштэ тол, толэз — тулыс. Озьыен, мынам но гужеме вуоз на. Сое возьманы гинэ чидано.

Лилия Муратшина.

Иж.

Удмурт Дунне
By Удмурт Дунне Август 31, 2011 10:32
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<