Городысь кошкомы… каргуртэ

Удмурт Дунне
By Удмурт Дунне 5 августа, 2011 14:44
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

 

Ижын ортчиз ӧжыт этажъем улон коркаосты лэсьтон ужпумъёслы сӥзем котырес ӝӧк. Сое радъяз «Огъя Россия» партилэн Удмуртиысь ёзэз. Отчы пыриськизы «Титан» компаниослэн Группазы, лэсьтӥськон бизнесысь кивалтӥсьёс, министерствоосысь адямиос но Кун Кенешысь депутатъёс. Кенешонэз усьтӥз Кун Кенешысь Экономикаын политикая, промышленностья но инвестициосъя ялан ужась комиссилэн кивалтӥсез А. Гальцин. Со пусйиз: асьмелы эскероно, кызьы улыно-вылыно лапег коркаосты пуктон мынэ мукет улосъёсын но кыӵе луонлыкъёс солы вань Удмуртиын.

Лэсьтӥськонъя, архитектурая но улон инты политикая министрлэн нырысетӥ воштӥсез Р. Хабибуллин шуиз: матысь аръёсы быдэс Россиын бадӟым саклык висъяськоз городъёс котырын ӧжыт этажъем коркаослэсь каргуртъёс (посёлокъёс) кылдытонлы. Та уж учкемын 2011-тӥ-2015-тӥ аръёслы кутэм «Жилище» программаын но. 2015-тӥ арлы улон юртъёсты пуктонын лапег коркаосты ӝутон 60 процент пала луыны кулэ, тужгес но азинскозы эконом-класс амалэн лэсьтэм юртъёс. 1 квадрат метрез 30 сюрс манетлэсь дуно уз луы. Со понна лэсьтӥськонэ паськыт кутоно электрокужымез но шунытэз шыръясь технологиосыз. Экология ласянь но соос  чылкытэсь, адямилэсь тазалыксэ чакласесь луыны кулэ.

Улон юртлэсь дунзэ кулэстон вылысь лэсьтӥськонэз быдэс комплексэн нуоно, шуиз Р. Хабибуллин. Озьы коммуникациос, электро ёзъёс капчигес кыскыны.  Выль посёлок кылдытыны дыр но ӧжытгес кулэ луоз.

Котырес ӝӧке пыриськемъёс озьы ик саклык висъязы Россиысь премьерлэн В. Путинлэн Новое Ступино экогородэ вуылэмезлы. Татын улон юртъёс инме уг ни ӝутско, соос музъемлы матын. ӵапак татын алигес ортчиз ӧжыт этажъем коркаосты ӝутонлы сӥзем совещание.

Приволжск федерал округысь улосъёсын огез устоез проект — «ЭкоДолье» — азинске Оренбург улосын. Со луэ «Огъя Россия» партилэн «Свой дом» проектэзлэн люкетэз,  Оренбургын улонэ пыӵатӥське ни кыкетӥ арзэ.

Ижын ортчем ужрадын улон юртъёс ӝутонъя «Зеленодолье» выль проектэныз тодматӥз «Титан» компаниослэн группаенызы кивалтӥсь П. Титов. Та проект но пыртэмын партилэн «Свой дом» программаяз.

«Зеленодолье» посёлоке мыноно Сарапул тракт вылтӥ, солы кыдёкын ӧвӧл Дэри ёросысь Изгурт. Отын сюрс пала ӧжыт этажо коркаос ӝутскозы, тужгес но пичиез улон юрт 60 квадрат метр быдӟа луоз. Таӵе коркалэн дуныз Ижысь кык комнатаен «хрущёвкалэн» мында али луэ.  Котькуд корка котырын музъем участокъёс луозы.

Котырес ӝӧк сьӧры пыриськемъёс нимысьтыз постановление кутӥзы Удмуртиын ичи этажъем коркаосты лэсьтонэз азинтон пумысен. Соос ӵектӥзы, «Зеленодолье» проектэз быдэстонлы юрттэт курыса, Удмурт Правительствое вазиськыны. Лэсьтӥськонъя, архитектурая но улон инты политикая министерстволы ужась группа кылдытоно.

Татьяна Банникова.   

 

Удмурт Дунне
By Удмурт Дунне 5 августа, 2011 14:44
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<