Вормон доры — кык питрано эшен

Удмурт Дунне
By Удмурт Дунне 16 августа, 2011 12:59

Вормон доры —  кык питрано эшен

 

Вотка ёросысь Новый посёлокысь тренерен Елена Перевощиковаен ӵош шумпотозы пинал спортсменъёс но.

Берло кызь ар ӵоже шаерысьтымы велосипед спортлы та быдӟа саклык висъямын ӧй вал на. Удмуртилэн Президентэз Александр Волков пинал спортсменъёслы кузьмаз 180 велосипед.

Шаерамы велосипедэн ворттылонъя спорт азинскемын. Россиысь но дуннеысь вожвылъяськонъёсын асьме пиналъёс вылӥ интыос басьто. Соин куасэн бызьылонъя, биатлонъя, ыбылӥськонъя ӵошатсконъёсын артэ йыгмыт адске велосипедъя спортлы сӥзем программа но. Арлы быдэ Удмуртиын 60 пумо соревнованиос радъясько.

Велосипед спорт азинске Ижын, Воткаын но Сарапулын, Игра посёлокын, Вотка районысь Новый посёлокын. Арлы быдэ дас витё мында егитъёс шедё Россиысь огазеям командаосы.

Республикаямы вань кужмо егитъёс, усто тренеръёс. Азинскыны люкетэ ёрмон гинэ. Одӥг велосипед понна вожмаське 2-3 мурт. Кылсярысь, татчыозь пиналъёслэн 350 велосипедзы гинэ вал. Кин спортэ лыктэ — асьсэлы кык питрано эш утчано луылӥзы. Та сярысь ик тренеръёс  но спортсменъёс веразы Президентлы Александр Волковлы пумиськонъёс дыръя. Куронзы кылэмын вал — коньдон висъяз «Ошмесо шаер» фонд.

Удмуртиысь Велосипед спортъя федерацилэн тӧроез луэ Валерий Богатырёв — со ик  республикаысь коньдон ужпумъёсъя министр, Правительстволэн Тӧроезлэн воштӥсез. Вылӥ кивалтӥсь зол сюлмаське федерациысь югдурез тупатон понна. Кылсярысь, кылем сӥзьыл спортшколаослы висъямын 1 миллион манет воштос ёзъёс басьтонлы. Туэ тани 2 миллион манет тыр велосипедъёс кузьмазы.

— Кин ке шуоз, та велосипедъёс — зэмос спортинвентарь ӧвӧл. Соиз озьы. Но пиналъёслы дышетскыны туж тупамон. Кин паймытоз ӟеч вормонъёсыныз — солы кузьмаломы уката ӟечсэ велосипед, — сӥзиз Валерий Богатырёв.

Егитъёслы вань кинлэсь адӟем карыны. Кылсярысь, кылем арня пумын Китайын кутскиз Гужем Универсиада. Татын кужымзэ мерталоз Вотка районысь Новый посёлокын будэм спортсмен Сергей Шилов. Кылем арын со паймытъяз ни бадӟым вормонэныз — трекын велоспортъя Европаысь чемпионатын утӥз зарни медаль.

Ижысь «Зенит» стадионэ люкаськем пиналъёс чидатэк витизы велосипед люкылонэз. Собере сюрес вылэ огӵош потӥзы 180 егит спортсменъёс. Азьлань — выль вормонъёс доры!

Елена Скворцова.

 

Удмурт Дунне
By Удмурт Дунне 16 августа, 2011 12:59
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<