Аран дыръя турнан

Удмурт Дунне
By Удмурт Дунне 23 августа, 2011 11:49

 Гурт удысъя но сиён-юонъя министерстволэн лыдпусъёсызъя та дырлы республикаын дасямын 245 сюрс тонна кӧс турын, яке чаклам планлэсь 96 процентэз (кылем арын вал 54 процент). 122 процентлы тырмытэмын сенажъя план, 78 процентлы быдэстэмын силос дасян. Утялтоно на шундыберганэз но кукурузаез.

Кӧс турын дасянъя ваньзэ азьпалто шарканъёс но вавожъёс, сенажъя 244 процентлы тырмытэмын планэз Юкаменск ёрослэн. Азьло аръёсы бере кылись ёрос тырмытӥз ни кӧс турын люканзэ но.

Силосэз гуосы тыронъя азьпалан дэриос — 135 процент. Пудо сиён дасян бордын ӝегасагес ужало Вотка но Камбарка ёросъёсысь хозяйствоос.

Шаерамы та дырлы кутсамын 225 сюрс гектарысь юос. Вань киземез пӧлысь со 69 процентэз луэ. Кылем арын та дырлы 79 процентэз арамын-кутсамын вал. Туэ ю-тысь гектарысьтыз шорлыдын 19,2 центнер люкаське, кылем арын 11,5 центнер гинэ вал. Нош ик азьпалан вавожъёс: котькуд гектарысь шорлыдын 28,5 центнер кутсало, 22 центнер люкаське тысьсы алнашъёслэн, тужгес но ӧжыт камбаркаослэн — 11,8 центнер.

Республикаын азьланьтӥсько етӥн сэстон, кидыс дасян, кын улэ гырон-кизён ужъёс.

Иван Аркашев.

 

Удмурт Дунне
By Удмурт Дунне 23 августа, 2011 11:49
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<