«Огъя Россилэн» адямиосыз — азьпал радын

Удмурт Дунне
By Удмурт Дунне 9 августа, 2011 09:08

«Огъя Россилэн» адямиосыз — азьпал радын

 

О. Пырегов.

Удмуртиын йылпумъяськиз праймериз. Кун Думае депутатэ кандидатъёс понна дырызлэсь вазь куара сётонлэн берпуметӥез ужрадэз ортчиз Уваын. Татчы люкаськылӥзы Ува, Вавож, Сьӧлта, Сюмси ёросъёсысь куара сётӥсьёс — уполномоченнойёс. Республикаысьтымы 8 площадкаосын адямиос меӵак адӟыны но юанъёс сётъяны быгатӥзы ӵектэм кандидатъёслы.

— Ваньмаз пумиськонъёсын таӵегес югдур кылдылӥз: уполномоченнойёс куараоссэс сётъяллязы ас программаосынызы тужгес но зол кельшем кандидатъёслы, — шуиз «Огъя Россия» партилэн улосысь ёзэзлэн исполкоменыз кивалтӥсь Олег Пырегов. — Нош калык азе адӟиськымтэ кандидатъёс трос дурбасьтӥсьёссэс ӧз шедьтэ.

Сыӵе пумиськонъёсын калыкен лач-лач вераськеменыз, улонэз котыр ласянь тодэменыз висъяськиз Калык фронтлэн адямиез, Удмуртилэн Президентэз Александр Волков. Котькуд пумиськонын солы тужгес но трос юанъёс сётъязы. Калыклэсь куаразэ басьтонъя со нырысетӥ интыын.

Кандидат Юрий Тюрин списоклэн пумазгес возиське. Но Уваын вераськемез бере со 11-тӥ интые тубиз. Озьы луэ, кандидат калыкен пумиськонъёслэсь уг палэнскы ке. Котькуд кандидатлы право сётэмын вал пумиськонын вераськыны. Ваньзы та луонлыкез кутыны тыршизы. Со дыре ик Кун Думае сюрон понна кужмысь нюръяськисьёсыз 8 интыын ик вераськылӥзы, соослы ик тросгес куараос бичаны удалтӥз. Егит кандидатъёс пӧлын висъяськиз Алексей Вахрушев.

Куара сётонэ пыртэм списокын тодмо спортсменлэн Максим Вылегжанинлэн но нимыз. Ачиз со пумиськонъёсы пыриськыны ӧз быгаты, но тодмо луэмез солы юрттӥз — списокын шоразгес возиське.

Олег Пырегов тодэ вайытӥз: Кун Думае быръёнъёсы пыриськон понна туэ нырысьсэ огъя список дасямын вал партие пыремъёслэсь но калык огазеяськонъёсысь адямиослэсь. Шумпотыса ивортыны луэ ни: «Огъя Россия» партилэн ӵектэм кандидатъёсыз куара сётон дыръя азьпал интыосы потӥзы.

Мар возьма кандидатъёсты азьпалан? Калык фронтлэн кандидатъёсызлы ӵектэмын луоз ужась коллективъёсын пумиськылыны, угось али соос асьсэды возьматыны быгатылӥзы уполномоченнойёс азьын гинэ.

Собере улосысь Калык фронтлэн координационной кенешез куара сётонын азьпала потэм адямиосъя списокез келялоз Россиысь Калык Фронтлэн кенешаз. Отын дасямын луоз Кун Думае депутатэ кандидатъёслэсь огъя список.

Татьяна Банникова.      

 

Удмурт Дунне
By Удмурт Дунне 9 августа, 2011 09:08
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<